Na Boneiro tin algun dia cu ta riba un proyecto pa promove agricultura, griyo di bestia y pisca. Hopi ta e ciudadanonan cu a participa na e proyecto aki. Sinembargo no ta solamente localnan a participa na e proyecto aki , pero turistanan tambe. Turistanan por a bin purba kico Boneiro tin di ofrece riba tereno di agricultura, griyo di bestia y cultura.
Cu esaki Boneiro ta dispone di un atraccion mas, caminda culturanan y generacionnan ta bini hunto. E interes pa cultiva propio berdura y fruta cada biaha ta bira mas grandi y por a ripara esaki durante e ultimo tres dianan habri.
Cu e dia habri LVV ta guia e bishitantenan den e mundo di agricultura y e cultura Boneriano. E demostracionnan a siña e bishitantenan tocante con pa cultiva mata, fermenta desperdicio di cushina, cultiva ‘dragon fruit’, cria bestia y cushina diferente cuminda crioyo. Di e manera aki a lanta interes cerca e bishitantenan pa purba haci esaki na cas mes tambe. E bishitantenan por a acudi na e tentnan pa cumpra mata, cos di boca dushi y cuminda crioyo, cos di bebe traha na cas y acesorionan pa cas.
Na e mes un momento ta sinti e cultura Boneriano y esnan cu tabata presente a rebiba recuerdonan di e Boneiro di antes. Cu musica Boneriano y actuacion di Foyan Boyz y un ‘jamsession’ esaki tabata un fiesta tipico Boneriano. Banda di esaki señora Gacha Coffie di Rincon a bin demostra con antes nan tabata cushina cadushi. Cu hopi atencion e bishitantenan a observa con ta pela e cadushi, pa despues batié pa hasie moli riba piedra. Naturalmente nan por a purba e cuminda tradicional aki. Aunke cadushi ta conoci ta Boneiro, tabatin bishitante cu pa prome biaha a purba esaki.
Maurice Adriaens, lider di proyecto di LVV, ta hopi satisfecho tocante con e dia habri a cana. Cu e dianan habri mas y mas e kier inclui e elemento di cultura di Boneiro. Sigur pa e turistanan tabata un experiencia cu ta na Boneiro so nan por haci.
