(AP) – Netflix a scoge Microsoft pa provee e comercialnan den un version mas barata di su servicio cual ta premira di lasna durante e aña aki, anteriormente comprometiendo cu lo minimalisa e violacion di privacidad personal cu hopi biaha ta compaña avisonan digital.
E aliansa anuncia diaranson ta marca un paso grandi den direccion di Netflix su prome paso den promocion despues di a nenga di inclui comercial den nan servicio di video desde cu nan a cuminsa 15 aña pasa. Netflix a anuncia cu nan lo bandona nan resistencia na comercialnan despues cu nan a publica cu nan a perde 200,000 usuario durante e prome lunanan di e aña pa causa di competencianan cu ta aumentando y un presion pa causa di e inflacion cu tambe ta aumentando. Esaki a haci cu maneho di e servicio a dicidi di brinda un opcion menos costoso na nan servicio.
Netflix a adverti cu ta hopi probabel cu nan lo reporta mas perdida durante e aña, aumentando e urgencia di crea un version mas accesibel di nan servicio, sosteni pa promocionnan, pa asina por combati e perdida di cliente y impacto economico riba e compania.
