Crisis di vivienda na Hulanda empeora pa escasez di empleado den sector di construccion

(NLTimes) – Solucion pa e problema di escasez di vivienda na Hulanda awo ta enfrentando un obstaculo mas den forma di escasez di empleado den e sector di construccion y aumento den costonan di construccion, ABN Amro a bisa diamars.

Gobierno su plan di yena e buraconan aki cu vivienda temporal tambe ta encontrando problema pa cuminsa, segun Netherlands Environmental Assessment Agency (PBL) a bisa.

E sector di construccion ta enfrentando tareanan masivo den e añanan binidero, segun ABN Amro. Pa por lidia cu of soluciona e problema di escasez di vivienda, Hulanda mester construi mas di 90,000 cas nobo pa aña te cu aña 2030. Esaki ta nifica cu mester mira un aumento di produccion di por lo menos 25 porciento den e sector di construccion. Ademas di esaki, tin e metanan pa cu clima, cual ta dicta cu 1.7 miyon cas mester ta mas sostenibel pa ana 2030. Y esaki ta sin considera e adaptacion di clima y infrastructura pa e edificionan cu no ta residencial.

Escasez di empleado ta un obstaculo grandi den caminda di logra e metanan aki, e banco ta premira. “E cantidad di trabao den construccion a sigui aumenta den añanan recien, sinembargo tambe e cantidad di posicion habri,” e banco a aplica. “Varios vacatura ta dificil pa yena. E demanda pa expansion ta rekeri personal nobo.”

Sinembargo e crecemento den e programanan educacional vocacional no ta mescos cu crecemento den e demanda. “Un bista den e cursonan relevante na e industrianan di construccion te ainda no ta refleha un aumento den studiantenan di construccion,” e banco a agrega. Ademas, e sector di construccion Hulandes ta luchando pa por contrata empleadonan migrante den Europa mirando cu e sectornan di construccion den nan mesun paisnan tambe tin mester di empleado.

Costonan di construccion cu ta keda aumenta tambe ta otro problema, cual e banco ta premira cu lo stroba construccion den e lunanan binidero y otro aña. Prijsnan di energia halto y scarsedad di material pa causa di e guera andando na Ucrania a causa cu costonan di construccion a aumenta 15 porciento den e prome kwartaal compara cu e aña anterior. “E costonan halto ta un otro motibo dicon construccion lo disminui un biaha mas.

Pa rapidamente por provee un dak riba cabes di personanan den necesidad urgente di un vivienda, Gobierno tin plan di yega na 15,000 casnan “flexibel” pa aña, cual ta casnan temporario of permanent cu ta huur pa un tempo. Sinembargo, e plannan aki tambe ta enfrentando obstaculo.

Segun e oficina di plan e municipalidadnan, agencianan di construccion y managernan di e proyecto aki ta enfrenta varios obstaculo manera haya un localidad adecua, incertidumbre financiero y problemanan di capacidad sea na e municipalidadnan of asociacionnan di vivienda. E problema mas grandi ta “dialogonan fundamental y fuerte ambos politico y social” cu ta strobando e proceso di tuma decisionnan pa ‘viviendanan flexible’.

E discusionnan politico y social ta mas tanto basa riba “e imagen di e proyectonan anterior similar na esaki,” PBL a bisa. “Pa e motibo aki e ta hopi importante pa e desaroyo di ‘vivienda flexibel’ pa realisa proyectonan exitoso, pa motibo cu proyectonan cu ser lansa den cautela por causa stigmatisacion di e viviendanan flexibel aki.”