Corsou por bira un ‘hub’ pa exporta energia reusabel. Ya caba tin dialogonan ta tuma luga tocante e topico aki entre mandatarionan di Corsou y Hulanda. E posibilidad ta grandi pa Corsou riba termino por produci combustibel y materia prima a base di energia traha pa medio di molinanan di biento. Esaki a sali for di un reportahe di e organisacion TNO, cu ta splica cu Corsou tin localidadnan excelente den lama pa por produci energia di biento.
E dialogo tocante e posibilidad aki a cuminsa den forma di deliberacionnan entre Minister plenipotenciario Carlson Manuel cu Minister di Asuntonan Economico y Clima di Hulanda, Rob Jetten. Con serio e prospecto akí ta, ta e echo cu den Minister Jetten su reportahe na parlamento di Hulanda ta menciona explicito e posibilidad aki pa Corsou por bira un ‘hub’ den region pa hidrogeno (waterstof). Esaki lo percura pa mas acceso na energia reusabel y pa crecemento economico duradero.Riba pòrtrèt Minister plenipotensiario Carlson Manuel y Minister Rob Jetten.
