(CiberCuba) E cantante Rihanna a alcansa e status di multimilionario den luna di augustus 2021 unda cu e la haci un debut den e lista anual di multimilionarionan di Fobes den April 2022.
E recien mama di solamente 34 aña tin un balor di 1.400 miyon dollar, loke cu a pone cu e la keda apunta riba e puesto number 21 di e lista cu a keda publica den juni ultimo.
E cantante a alcansa e status di multimilionario di Forbes den April di e aña aki como e artista musical femenino mas rico di mundo y e prome persona di Barbados cu ta aparece riba e lista di e multimilionarionan. Sinembargo mayoria parti di e rikesa di Rihanna no ta bin di su musica, pero di su liña di cosmetica Fenty Beauty cu a genera mas di 550 miyon di dollar di ingreso den 2022.
Ademas e tin un participacion di 30% di e liña di linceri Savage X Fenty cu e la recauda 1000 miyon di dollar den februari 2021, segun Forbes. Tambe e cantante tin hopi bienes manera un compleho na Beverly Hills di 13.7 miyon cu e cantante a cumpra aña pasa. Tambe e tin un propiedad na Hollywood Hills di 6.8 miyon desde 2017 y tambe un condominio na Century Towers de Los Angeles, tambe Rihanna ta propietario di un residencia den e exclusivo resort One Sandy Lane na Barbados unda cu e la nace. E residencia exclusivo aki e la paga supuestamente 22 miyon di dollar pe, segun News York Post.
Aunke cu ta su negoshinan cu e tin ta esun cu a converti den un milionaria di mas hoben di Estados Unidos , su logronan den e mundo di musica no ta insignificante. Rihanna ta e artista digital mas bendi di tur tempo, pero e tin poco credito como compositora. Den 2016 cu ta e aña cu e la lansa su album di estudio “Anti” e la genera aproximadamente 22.3 miyon y e gira a duna un ingreso di 110 miyon.
Kim Kardashian di 41 aña tin un puesto mas halto den e lista di milionarionan mirando cu su fortuna ta di 1800 miyon, esaki ta mas cu e cantante di Diamonds, pero Rihanna ta e muhe mas hoben actualmente cu e drenta e lista di milionarionan. Na momento cu ta referi na e edad e ex casa di Kanye West ta keda den di dos luga.
