E ‘Informe sobre Policias Asesinados’, elabora pa organisacion civil Causa en Comun, ta señala cu pa ta agente di siguridad ta un di e trabounan mas peligroso pa eherce na Mexico: por lo menos 953 agente a ser asesina desde 2018. Ta kico ta pasa?
Na comparacion cu otro paisnan di continente, Mexico ta mantene un cantidad halto di polis cu a ser asesina pa varios circunstancia, nan ta e elementonan municipal mas vulnerabel di loke ta trata violencia y di e 953 agente morto, 452 tabata haci trabounan di prevencion y di transito.
Den e periodo di Administracion di Andres Manuel Lopez Obrador (desde 1 di december 2018), a asesina por lo menos 545 polis. 2018, precisamente a bira e aña mas violento pa e institucionnan Mexicano di siguridad publico, aña den cual a suma 452 polis morto den cumplimento di nan deber.
E presidente di asociacion civil Causa en Comun, Maria Elena Morera, a lamenta cu e violento fayecimento di un agente no tin relevancia pa sociedad y pa Gobierno Mexicano y a agrega cu tambe tabata necesario e reporte den medionan di comunicacion pa haya datonan.
“Autoridadnan ni sikiera a duna nos e registronan. Ta un pena cu ni sikiera nan tin reconocimento pa personanan cu tabata traha cu nan. Estadisticonan cu nos a saca pa e rapportnan di prensa ta bisa nos e cantidad di polis asesina y rapport di personanan asesina na Mexico, e trabou di polis ta implica riesgo cuatro biaha mayor cu di ta un ciudadano cu ta dedica pa cualkier otro actividad”, Morera a bisa.
Na januari di 2020 e cifra di asesinatonan a aumenta: den e luna ey a registra 55 caso nobo, den comparacion di 28 cu a reporta na prome luna di 2018 y e 27 di esun di aña 2019.
