Segun resumen mas recien di Departamento di Salubridad Publico DVG tocante e cifranan di e pandemia di Covid-19 na Aruba, ayera a cera cu 94 caso positivo.
Segun DVG, ayera tabatin 15 persona a recupera, mientras cu a registra un total di 12 caso nobo di Covid-19, di cual dos no ta residente. Cu esaki, e cantidad di caso activo di Covid-19 ta 94. E cantidad di fayecido relaciona cu e malesa ta keda na 104.
E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 512 test. Cu esaki, e tasa di positividad (‘positivity rate’) entre nos residentenan ta 12 %.
Di su banda, hospital Dr. Horacio Oduber ta informa cu tin un total di 16 persona interna pa ricibi tratamento pa e malesa causa pa e virus SARS-CoV-2. Di esakinan, 3 ta den Unidad di Cuido Intensivo ICU mientras 13 ta isola riba unidad general di covid.
