Sr. Carlyle de Coteau di Departamento Maritimo kier a coregi un declaracion cu el a haci recientemente den medionan di comunicacion local riba number di emergencia ora cu bo ta presenta problema riba lama. E kier coregi su declaracion, caminda el a bisa cu e hendenan cu ta naufraga lo por yama e number 913, ya cu e number aki ta wordo ricibi via satelite. “Esey no ta berdad”, el a bisa categoricamente.
E ta pidi disculpa na tur persona concerni, ya cu no ta berdad cu e 913 ta un number satelite den caso di emergencia riba lama. Den combersacion Bon Dia Aruba, sr. De Coteau a bisa cu ora el a haci e declaracion ey, el a wordo coregi riba dje. “Ma compronde malo fei di Coast Guard”, el a bisa.
El a declara cu e number 933 ta uno cu bo por yama den caso di emergencia, pero cerca di costa di Aruba, pero no via satelite fei di cualkier localisacion riba lama.
E ta un number si cu ta wordo uza pa emergencia pero cerca di nos costa, el a reitera. Sr. De Coteau a declara cu si bo ta nabega mas leu riba lama ta consehabel pa bo tin bo radio di comunicacion cu bo.
