(NLTimes) – Mayoria producto ta contene particula chikito di plastic, e Plastic Soup Foundation a conclui den un estudio recien.
Di e 7,704 producto examina di 10 marca grandi, 87 porciento a contene particula di plastic. Esaki ta inclui varios tipo di microplastic manera polymer sintetico, segun e organisacion ambiental. The Dutch Cosmetics Association (NCV) a papia contra di e Plastic Soup Foundation su conclusion y e estudio su metodologia.
The Plastic Soup Foundation awo ta haciendo yamado na e Union Europeo pa haci e legislacion mas estricto. E impacto di particula sintetico riba salud publico mester ser investiga miho prome cu nan uso ser permiti, nan a argumenta. E productonan examina tabata di e marcanan L’Oréal Paris, Elvive/Elseve, Garnier, Nivea, Gillette, Oral-B, Head & Shoulders, Dove, Rexona, and Axe.
Respondiendo na esaki, NVCa bisa cu e definicion di “microplastic” cu Plastic Soup Foundation a usa pa e estudio ta incorecto. “E organisacion ta hibando esaki demasiado leu, y awo diripiente tur cos ta ‘microplastic,’” consehero di politica NCV Max Hellinga a declara. “Como ehempel, e fundacion ta bisa cu tur polymer sintetico ta micrpplastic. Esaki no ta berdad.”
“Nos ta mira plastic como un substancia kimico,” Jeroen Dagevis di Plastic Soup Foundation a bisa den defensa di e organisacion su reportahe. “Polymer ta un di esaki. Nan no ta degrada facilmente. Bo mester por lo menos haci un investigacion prome cu bo pone esaki den mercado.” E organisacion a basa su investigacion riba microplastic den e lista di ingrediente e varios producto cosmetico en cuestion.
E definicion di microplastic ya caba a keda estableci pa cientificonan independiente na The Committee for Risk Assesment (RAC) y Committee for Socio-Economic Analysis (SEAC), segun NCV. Pa motibo di esaki, e analisis di e lista di e ingrediente haci pa Plastic Soup Foundation a crea e mal impresion, e grupo di cosmeticonan a argumenta.
Sinembargo, Dagevos no tabata di acuerdo cu esaki, bisando cu NCV ta convenientemente scondiendo tras di e definicion aki di microplastic, cual nan mes a promove.
Apesar di nan diferencianan, NCV ta bisa cu e ta tuma e problema na serio. E asociacion a enfatisa cu productonan sigur pa clientenan y e ambiente ta un “prioridad absoluto.” “Pa e motibo aki, e industria ta tuma e problema di microplastic hopi na serio y ta buscando solucionnan efectivo cu ta basa riba ciencia.”
