(NLTimes)—Algun 85% di residente Hulandes ainda ta contento cu nan bida, pero 62% ta kere cu cosnan ta bayendo robes den e pais, segun Oficina di Planificacion Social y Cultural (SCP) a reporta ayera den nan edicion nobo di e Encuesta Continuo riba Perspectiva di Ciudadano.
Insatisfaccion cu politiconan a sigui subi. Den herfst aña pasa, 60% di residente Hulanda tabata insatisfecho cu politiconan na Den Haag compara cu e 49% den lente. 62% di esnan cu a participa den e encuesta ta kere cu cosnan ta bayendo robes na Hulanda compara cu e 46% den e encuesta anterior.
Segun SCP, no por separa e insatisfaccion di politica. Casi mita di ciudadano ta pensa cu cos ta bayendo den mal direccion pa cu politica. Durante herfst 2022, confiansa den parlamento a cay pa 43% for di 52%, y confiansa den gobierno a cay pa 41% for di e 50%.
Mayoria biaha, ciudadanonan ta acusa politiconan, y e gobierno en particular, di un falta di decision y vision. Ademas, hende ta pesimista tocante e distancia entre “Den Haag” y e hendenan ordinario. E respondientenan no ta haya cu nan por depende riba politiconan y ademas ta pensa cu nan lo keda den poder ni maske cuanto eror nan comete.
Segun SCP, insatisfaccion ta e resultado di un acumulacion di varios problema social. Na banda di preocupacion tocante politica, hende ta preocupa tocante prijsnan halto, diferencia den salario, inmigracion, e deficit di hogar y e manehamento di cambio di clima. Na fin di 2022, mayoria hende tabata preocupa cu inmigracion, aumento den prijs y e crisis di nitrogeno.
Preocupacion economico tambe a subi. 73% tin expectativa cu e economia ta bay deteriora compara cu 63% na cuminsamento di 2022. E preocupacionnan ta relata mas tanto na e aumento di prijs di coriente y compras. Residentenan Hulanda ta marca nan mesun situacion financiero cu un 7.3 en averahe, cual a keda stabiel compara cu e encuesta anterior.
