Dos aña despues cu 342 container a cay for di barco di container MSC Zoe, un cuarta parti di e desperdicio aki ainda ta den Lama Nort. Mester haci esaki limpi lo mas pronto posibel, segun Ewout van Galen di North Sea Foundation. “E desperdicio invisibel den lama tambe ta dañino.”
Pa dirigi atencion riba e desperdicio cu ainda ta flotando for di e accidente di container, organisacion De Noordzee a publica nan campaña: ‘Bo lo yuda si bo por?’
E potret ta mustra un homber cu un saco di sushi, mirando e Lama Nort. E ta un simbolo cu na november 2019, gobierno a stop di haci e desperdicio limpi, cual a subi tera na Wadden Islands, entre otro luganan.
“Nos ta contento cu e esfuerso cu a haci y e 2.4 miyon kilo di desperdicio cu a elimina for di lama”, Van Galen a bisa. “Pero no por ta e caso cu apenas awo ta limpiando solamente desperdicio cu subi tera of ta den net di pisca. E ultimo hasta ta resulta den situacionnan peligroso. Y desperdicio plastico no ta deshaci, pues e problema aki no ta bay desaparece di su mes.”
Ademas di preveni desasternan nobo cu container, e North Sea Foundation kier pa e cera adecuadamente e capitulo di e MSC Zoe. “Y esey ta nifica: tur desperdicio for di lama”, Van Galen a bisa.
