(AP) – E ciruhano general di Merca ta haciendo yamado na autoridadnan y companianan di tecnologia pa tuma “accion inmediatamente” pa proteha e muchanan y hobennan su salud mental riba rednan social.
Despues di varios aña di accion insuficiente di parti di ambos creadornan di politico y plataformanan di rednan social, mayornan y hobennan te ainda ta carga mayoria di e peso di nabega un mundo di algoritmonan secreto y dañino, aplicacionnan adictivo y contenido inapropia y extremo haya riba plataformanan manera Instagram, TikTok y Snapchat.
Kico mayornan y hobennan por haci awo? Ciruhano General Vivek Murthy a comparti algun tip. “Nos muchanan y adolescentenan no tin e luho di warda añanan te ora cu nos haya sa e extento completo di rednan social su impacto,” Murthy a bisa den un conseho publica diamars. “Nan hubentud y desaroyo ta tumando luga awo.”
Tip pa Hobennan:
Busca ayudo; Si bo persona of un persona cu bo conoce ta experienciando e efectonan negativo di rednan social, busca ayudo di un amigo di confiansa of adulto pa ayudo.
Crea limite; Limita e uso di celular, tablet y computer pa por lo menos un ora prome cu bo bay drumi y durante e anochi pa asina bo sigura cu bo lo drumi suficiente. Mantene e orarionan di come y reunionnan cu bo sernan keri liber di dispositivo pa yuda crea lasonan social y combersacionnan cu otronan. Conecta cu hende den persona y haci interaccionnan offline un prioridad diario.
Sea cauteloso tocante loke bo ta comparti; Informacion personal tin balor. Sea selectivo cu loke bo ta comparti y publica online y cu ken, mirando cu hopi biaha esaki ta publico y por ser warda permanentemente. Si bo no ta sigur si bo publica algo, mayoria biaha ta miho pa no haci esaki.
No mantene acoso ni abuso un secreto; Acerca un persona den ken bo ta confia, manera un amigo cercano, miembro di famia, consehero of docente ken por dunabo e ayudo y sosten cu bo merece.
Tip pa mayornan y guardiannan:
Crea un plan di media familiar; Keda di acuerdo cu expectativa por yuda establece limitenan saludabel pa tecnologia na cas, incluyendo uso di rednan social. Un plan di media familiar por promove un discusion habri den famia y reglnana pa uso di media ademas di inclui topico manera e balans den tempo pasa online, limite di contenido y tocante mantene informacion personal priva.
Crea zona liber di tecnologia; Restringi e uso di tecnologia of electroniconan pa por lo menos un ora prome cu drumi y durante e anochi. Mantene e orarionan di come y otro momentonan di interaccion liber di tecnologia. Yuda muchanan desaroya habilidadnan social y cria nan relacionnan pa medio di encurasha conexion offline cu otronan.
Duna ehempel di comportamento responsabel; Mayornan por duna un bon ehempel di kico uso responsabel y saludabel di rednan social ta pa medio di limita nan propio uso, sea cauteloso di habitonan di rednan social (incluyendo ki ora y con mayornan ta comparti informacion of contenido di nan yiunan), y crea un comportamento positivo riba bo cuentanan di rednan social.
Empodera muchanan; Siña muchanan tocante tecnologia y empoderanan pa ta participantenan online responsabel na e edad apropia. Trata cu muchanan e beneficionan y riesgonan di rednan social ademas di e importancia di respeta privacidad y informacion personal den e maneranan apropia pa edad. Tin combersacionnan cu muchanan tocante ken nan ta y cu ken nan ta conecta, nan configuracion di privacidad, nan experiencianan online y con nan ta pasa nan tempo online.
