( Msn.com\Insider.com ) – Ya sea cu ta haci’e scrambeled, hasa of cu ta agrega nan na bo receta faborito, webonan ta bastante omnipresente.
A pesar di su ubicuidad, ta existi hopi concepto eroneo den loke ta respecto na e consumo, e apariencia, e siguridad y e balor nutricional di comestibel aki.
Sigui lesa pa conoce algun di e mitonan comun tocante e webonan ( specificamente esunnan di galiña ) cu a keda desacredita.
Mito 1 : E webonan curu ta miho fuente di proteina cu esunnan cushina
E consumi di webonan curu ta parce funciona pa boxiadonan ficticios y viyanonan den dibuhonan di animacion, pero e hecho ta cu guli webo curu ta riesgoso y e no ta particularmente bon pa yuda bo obtene un impulso di proteinanan.
Pa cuminsa, e ta mas probabel cu por contene salmonela, un tipo di infeccion cu tin biaha por enferma gravemente e personanan pa come webonan curu.
Ademas, e webonan curu no ta un fuente mas rico di proteinanan cu esunnan cushina. En realidad, bo curpa ta absorbe casi e dobel di proteina di e webonan cushina cu esunnan cu ta curu.
Mito 2 : Tur e webonan mester keda den frishider
Esaki por depende di unda bo ta keda haya den mundo. Por ehempel, den un supermercado britanico, probablemente no lo haya webo den frio, pero si den un tienda di Merca.
Segun new york times, na Merca. E productonan di webo cu un cantidad cierto di galiña generalmente mester laba nan webo den un intento di mantene e raya di salmonela cu ta causa enfermedad.
E procesa di labado ta involucra habonnan y enzimas, cu por elimina parti di e cuticulo protector di un webo diseña pa mantene bo mes na salvo di bacterianan. Mantene e webonan aki laba den frishider ta yuda mantene e raya di e bacterianan, por loke na Merca. Ta almacena den frishider.
Pero den hopi luganan di mundo, manera Reino Uni, e labado di webo ta prohibi pa varios rasonnan, incluyendo e creencia cu e procedementonan di labado descuida por haci mas daño cu bon y e cuticulo di e webo por mantene e raya na e bacterianan, segun Forbes. Dado na cu e cascanan no ta mustra comprometi traves e labado, e frishider ta algo opcional.
Dicho esaki, un biaha cu un webo ta den frishider, mester mantene frio y no mester di keda afo pa mas di dos ora, segun e asociacion United Egg Producers. Si ta laga un webo frio den temperatura ambiente durante demasiado tempo, por soda y facilita e crecemento di bacterianan potencialmente dañino of incluso mold.
Mito 3 : Webonan bruin tin mas balor nutricional cu webonan blanco
E color di un webo no ta influi den su sabor ni den e cantidad di nutriente cu e lo entrega na e consumido, por loke e no ta necesario descrimina.
Mito 4 : Come un pida chikito di e casca di webo por ta peligroso
Morde un poco di e casca di webo den bo omelet of cupcake por ta completamente desagradabel, pero esey ta tur.
Ainda no sa nada cu consumi un casca di webo lo por ta peligroso, aunke come un gran parti por daña e esofago of e garganta, segun Healthline.
Dicho esaki, bo lo kier evita come cascanan di webo ya cu mescos cu webonan curu, nan por ta contamina cu cierto bacterianan cu por causa enfermedadnan manera salmonela.
Mito 5 : Nunca e ta sigur pa come webo despues di e fecha di caducacion poni den e caha
E mayoria di e cartonnan den e tienda di comestibel tin un fecha di caducacion poni riba nan, y aunke mester compra e webonan prome cu e fecha di caducacion, esaki no ta e momento exacto unda e webonan mester keda tira afo.
E caha tambe tin un fecha di empake, cu ta e number di 3 digito cu por yuda bo determina con tan fresco nan ta realmente. E numbernan aki ta skirbi cu fechanan juiliano, loke ta nifica cu e cahanan cu “001” a keda empaka 1 di januari y e contenedonan di mercado cu “365” a keda empaka 31 di december.
Por lo general, si a almacena den frishider, bo webonan lo ta sigur pa come durante 4 of 5 siman adicional despues di e fecha di emapke, aunke e ta posibel cu no tin un sabor fresco. Dicho esaki, si un webo tin e holo sulfurico of pudri mester tire afo.
Si realmente kier sigura bo mes cu e webo ta bon pa come, por purbe lagando e cay den un copi cu awa di temperatura ambientinal. Un webo bastante fresco lo sink. Si ta flota bay ariba, e ta probablemente daña.
Mito 6 : Prome di cushin’e, mester kita e hilo blanco uni na e parti geel di e webo
Tin biaha, ora bo ta kibra un webo, e ta posibel cu bo por nota un cos chikito, blanco, parecido na un hilo, adheri na e parti geel. E partinan aki blanco ta yama “chalazae” y ta yuda mantene e parti geel den su luga, manteniendo e den e centro di e webo.
Sacanan di e webo prome cu cushin’e ta algo completamente opcional.
Na igual cu e parti geel di e webo, e hilonan aki ta considera sigur pa come ora ta cushin’e corectamente. Ademas, si ta laganan aden, generalmente no lo afecta e resultado di e cuminda.
Mito 7 : Webonan chikito no semper ta bin di galiñanan chikito mescos cu webonan grandi no ta semper bin di galiñanan grandi.
Esaki por ta berdad, pero no semper e ta asina. Algun di e variabel mas importante ta cu ta yuda determina con grandi e webonan lo ta di un galiña ta e edad y e dieta di e animal. Por lo general, e galiña mayor ta pone webonan mas grandi.
Otro variabel cu ta yuda determina e tamaño di e webonan di un galiña tambe por inclui e peso di animal, e entorno. ( e galiñanan cu ta sinti nan mes presiona cada rato ta crea webonan mas chikito ) .
