Diamars anochi e radar di Warda Costa a detecta movecion pazuid di Baby Beach. Inmediatamente a manda dos RHIB y pa mas o menos dos miya y mey pazuid di Baby Beach a topa cu un boto tipo yola.
Abordo di e yola tabatin 7 persona cu no tabatin documento di estadia. Consecuentemente e boto a wordo transporta pa Savaneta y e 7 personanan, cual 5 ta Venezolano, 1 Colombiano y 1 Ecuatoriano a wordo entrega na Warda Nos Costa. Capitan di e boto a wordo deteni bou sospecho di traficacion di hende y e boto a wordo confisca.
