Bao guia di Ministerio Publico (OM), SGC (Sectie Georganiseerde Criminaliteit) di Cuerpo Policial a tene awe un accion den un supuesto cas di droga (drugspand) na Emanstraat na Oranjestad. Asina OM ta informa. Nan a detene shete persona. Tambe un cantidad ainda desconoci di droga a wordo confisca.
E investigacion riba e supuesto drugspand ki tin basta tempo andando. Algun tempo pasa polis a detene varios cumprado y a scucha nan, y despues a laga nan bay. Un di nan ta un coordinador di minister Benny Sevinger.
