Dokternan a pone duda riba e promesa di minister di Salud, Hugo de Jonge, cu vacunacion pa coronavirus lo cuminsa riba e prome siman di januari.
Ella Kalsbeek, presidente di asociacion nacional di dokter di cas LHV, a bisa cu mayoria di oficina di dokter no ta capaz di tene e vacuna na e temperaturanan hopi abao cu ta rekeri, specialmente ya cu mester duna esaki den dos dosis. Kalsbeek a bisa cu e tabata ‘sorprendi’ pa declaracion di De Jonge cu e programa di vacunacion lo por cuminsa dia 4 di januari, dependiendo di aprobacion di Agencia Europeo di Medicina (EMA).
“Bo mester ta cauteloso pa no eleva expectativanan di hende demasiado halto”, el a bisa NOS. “Prome cu bosa, hende lo cuminsa pensa ‘januari? Por ta mi por bay ski na februari’. Pero realmente bo no por.”
De Jonge a bisa diamars cu ta haciendo areglonan pa cuminsa cu vacunacion lo mas pronto posibel. Lo duna prioridad na hende cu problemanan di salud, esnan di edad avansa y trahadonan di cuido den frontline.
EMA ta programa pa presenta su recomendacion na Comision Europeo pa dia 29 di december, pa asina por aproba e vacuna formalmente. “Awo ta keda na EMA pa traha diligentemente. Nos lo sigura cu nos ta cla asina cu nan duna luz berde.”
Hulanda a bestel suficiente dosis di e vacuna di BioNTech/Pfizer e luna aki pa inmunisa 450mil persona, mientras 400mil dosis di e vacuna Moderna ta programa pa ser entrega den prome kwartaal di 2021. Pfizer a bisa cu su version por keda hasta cinco dia den un frishider regular despues di a saca nan di almacenahe friu. Kalsbeek a bisa cu e necesidad pa tin cantidad di vacuna frozen ta nifica cu servicionan di salud regional y casnan di cuido ta miho posicion pa administra esaki.
