Mas cu mita di poblacion di Brasil ta opina cu gestion di presidente Michel Temer ta malo o pesimo. Poblacion ta kere cu e presidente mester renuncia e aña aki, y asina nan por tene eleccion nobo na Brasil prome cu e fecha cu ta estableci pa esaki, un encuesta a duna conoce.
Segun e encuesta di e agencia Datafolha, 51% di hende di Brasil ta pensa cu e gestion di Temer ta malo of teribel, mientras cu 31% a cualifica e gestion caba como negativo den un encuesta realisa na Juli.
Den comparacion cu e periodo di Dilma Rousseff, 40% a bisa cu administracion di Temer ta pio, 34% ta pensa cu ta mescos cu Rousseff, 21% ta kere cu e ta miho y 5% no a duna ningun contesta.
Cu e panorama aki, tur hende cu ta integra den movimento social ta riba caya pa defende derecho social y laboral, cu e gobierno di Temer no ta cumpli y no ta garantisa pa nan.
Un 10% solamente di e poblacion di Brasil ta kere cu gobierno di Temer ta bon of hopi bon, y un 34% ta considera cu su gobierno ta ‘regular’.
