Tres di e cinco persona cu Covid Largo severo a wordo declara medicamente incapaz pa traha dos aña despues di e pandemia, y agencia di beneficio UWV tin e expectativa cu “e figuranan aki lo keda mescos,” segun un vocero a conta NRC.
Cualkier persona cu ta gana menos cu 65% di nan salario despues di dos aña cu e malesa ta eligibel pa un beneficio pa incapacidadnan bou di trabou y salario segun e Acto pa Capacidad Laboral (WIA). Hendenan aki por cuminsa aplica pa e beneficio aki pa via cu nan tin Covid Largo desde februari aña pasa.
Covid Largo ta ora sintomanan di e coronavirus keda pa mas cu 3 luna despues di a wordo infecta. Ainda no a specifica cuanto hende cu Covid Largo tin na Hulanda. Casi 20.000 ta afilia cu e organisacion di sosten C-support.
Segun dokter di seguro UVW Diny van der Geest, casi mita di su pashentnan tin mas cu 50 aña di edad, pero hopi tin entre 20 y 30 aña. Algun tin otro malesa scondi manera diabetes of malesanan di e autoimmuun, pero otronan tabata saludabel prome cu a contrata coronavirus.
Casi un tercera di esnan cu a ricibi un diagnose di Covid Largo na UWV tabata traha den cuido di salud. E sector aki ta conta pa mas cu dobel e cantidad di empleadonan cu ta incapaz pa traha compara cu otro sectornan. Hende cu tin Covid Largo pa mas cu dos aña a contrata e virus durante e prome ola den cual hopi trahadonan di salud a wordo infecta.
UWV tin e expectativa cu algun pashent cu a wordo declara incapaz pa traha lo por bay bek den e mercado di labor pronto. “Ainda nos no sa hopi ainda tocante e duracion di Covid Largo,” van der Geest a bisa. “Ainda ta posibel pa hende recupera y bay traha bek.”
Na cuminsamento di e siman aki, cientificonan a causa preocupacion tocante estudionan Hulandes riba Covid Largo. Esakinan tin riesgo pa experiencia retraso of cancelacion pasobra cu nan fondo no ta corectamente aregla, segun nan.
