Ya experimentando fatiga pandemico, hopi di nos ta sinti nos mes mal prepara pa otro lockdown. Sin embargo, esaki ta loke nos mester haci y talbes e no lo ta e ultimo biaha.

E problema ta cu e efectonan generalisa door di e pandemia y restriccionnan impuesto manera un forma di contene ta parce di ta diseña pa daña nos salud mental. Isolando nos di e cos nan cu ta duna nos sentido di nos bida y cu ta brinda nos placer. Sin un final claro na bista, coronavirus ta teniendo un efecto negativo significativo den e salud mental y hopi di nos ta experimenta stress, ansiedad al igual cu insomnio ( falta di soño ).

E ora, kico nos por haci cu e segundo lockdown? Nos mester tuma medidanan pro activo pa protege nos bienestar psicologo. Esaki ta loke por yuda.

 

Bienestar psicologico

Nos comprension mas completo bienestar mental ta proveni di psicologa Mericano y experto den resiliencia Carol Ryff. Segun e modelo di Ryff, pa experimenta e bienestar psicologico :

  • Bo mester kere cu bo bida tin un proposito y significado
  • Bo mester sinti cu bo tin autonomia
  • Bo lo mester cuminsa experimenta un crecemento personal
  • Bo mester sinti cu bo ta manehando of tin bon control di bo bida
  • Bo mester tene relacionnan positivo
  • Bo mester siña conoce bo mes bon

Den circunstancianan normal, e sucesonan cotidiano diariamente por permiti nos mantene bienestar psicologico sin hopi esfuerso intencional : encuentronan casual cu coleganan, e impulso di energia ora di conoce un persona nobo, e sensacion di asombro ora di bishita un luga bunita, e emocion di un anochi di fiesta cu amigonan of ser nan keri, e calidad di sensacion di bay cine cu un ser keri, e anticipacion di un vakantie na stranhero.

Blokeonan por impedi nos di experimenta hopi di e cosnan aki. Ora nos actividadnan ta wordo restringi, nos bida ta disminui. E ta door di esey cu nos mester ta mas intencional den protege nos bienestar psicologico.

Un forma di haci esaki ta pa crea un plan di bienestar cu por aborda bo necesidadnan psicologico. Den continuacion, ta presenta algun ideanan cu por ta util na medida di desaroya bo propio, plan, segun bo necesidadnan y circunstancianan.

1)Explora e proposito y e significado

Dedica tempo na pensa den loke ta duna nos bida sentido. Kico ta lo mas importante pa bo? Si bo ta un persona religioso, con bo por probecha bo fe pa supera e temponan dificil aki? De lo contrario, ki oportunidad tin pa bo reflexiona of discuti na loke tin di significativo di bida?. E simpel hecho di haya tempo pa papia di esaki cu un otro persona por marca un gran diferencia.

2)Combersa bo autonomia

Haya forma di mantene un sentido di autonomia a pesar di e restriccionnan di lockdown. Con bo por sigui biba de acuerdo cu bo principionan? Sobre ki aspecto di bo bida, bo tin control di dje? Por ehempel, bo tin control di cuanto tempo bo ta pasa ta wak noticianan, con organisa bo ta y kico bo lo come. Evita e inclinacion di warda. Haci bo mes en cargo di con pa gasta bo tempo skirbiendo bo plannan di siman y orarionan diario : ora bo lanta, con bo lo pasa bo dianan liber, e cantidad di tempo cu bo ta dedica na haci ehercicio, ora bo stop di traha.

3) Experimenta e crecemento personal

No, bono tin cu domina un idioma completamente nobo, pero sigura bo mes di laga tempo pa siña mas y pa bo crecemento personal. Inclui oportunidadnan pa siña algo nobo of pa logra metanan di salud. Ora bo establece bo obhetivonan di aprendisahe of di acondicionamento fisico, establece obhetivonan alcansabel pa asina bo keda monitor e progreso y celebra bo exitonan. Den luga di tene un solo obhetivo na largo plaso, fiha bo mes den sub obhetivonan y obhetivonan semanal.

4) Maneha bo bida bon

Sigura bo mes cu tin variedad den bo actividadnan y evita e tension di lag’e ta algo complica. E ta un bon idea di lanta na un cierto ora constante y bisti, incluso si, bono ta bay sali for di cas. Si ya bono por mantene bo rutina habitual, pensa den crea un orario nobo cu lo por tin un bon ekilibrio entre bo cosnan di cas, trabou, aprendisahe y actividadnan fisico.

5) inverti den relacionnan positivo

A pesar di e restriccionnan cu ta impedi bo di conoce otro personanan den persona, inverti den relacionnan personal a traves di e-mail, rednan social, aplicacionnan di chat via telefon of video. Si nos tur ta cansa di Zoom, pero no uza esey manera un excuus pa evita di conecta cu bo sernan keri. Interesa bo mes activamente den e bienestar di otro hendenan, specialmente esunnan cu ta mas vunerbale den bo comunidad, si ta existi un manera sigura di ofrece bo mes manera boluntario pa yuda esunnan mas den necesidad, considera bo mes di inscribi bo mes den un organisacion cu ta beneficia local.

6)Siña di bo mes

Probecha e lockdown conociendo bo mes mas miho. Identifica bo mesun fortalesa y tuma un tempo pa aprecia. Un forma di haci’e ta completa un encuesta online confiabel cu por yuda bo determina cua ta bo puntonan fuerte. Confia den bo mesun fortalesa pa supera e lockdown y pensa den forma di uzanan di manera mas amplio ora e pandemia caba. Adapta un enfoke pro activo pa protege bo salud mental mediante, e creacion di un plan di bienestar lo tin beneficionan inmediato. Tambe e lo reduci e probabilidad di sufri problemanan di salud mental a medida cu nos continua di deal cu e consecuencianan igual cu implicaccionan di gran alcance di e COVID-19.

Mas importante ainda, nos mester reconoce cu esakinan ta temponan desafiante pa nos na nivel mundial, ya sea cu nos of nos sernan keri cu nos lo wordo afecta directamente door di e virus of indirectamente afecta door di implicaccionan di e pandemia. Tur na su manera, ta haciendo tur lo posibel pa enfrenta e enorme desafio di covid-19. E forma mas positivo y humano cu nos por responde ta cu compasion y bondad cu nos mes y otronan.