Sea bo a caba di haya bo pakete nobo di Amazon Echo pa prome biaha of ya caba bo tabata tine durante añanan, ta posibel cu bo por haci mas pa Alexa comporta su mes manera bo ta desea. Claro, bo sa con pa haci tur e 5 trikinan musical sorprendente aki, con pa conect’e cu otro aparatonan domestico inteligente cu tin of incluso con pa us’e pa controla bo television na cas. Pero realmente bo a considera caba tur e ahustenan?

Algun cambio chikito por marca caba un gran diferencia. Por ehempel, bo lo emociona di a actualisa bo configuracionnan di privacidad, incluyendo e eliminacion automatico di grabacionnan y e desactivacion di e configuracion cu ta permiti Amazon scucha e mesun grabacionnan.

Sigui lesa a continuacion, pa bo conoce e 6 configuracionnan di Amazon Echo, cu a wordo haya cu ta esunnan mas util.

Actualisa bo configuracion di privacidad

Un di e prome preocupacionnan di tin speaker Echo ta e privacidad. Afortunadamente, Amazon ta agregando ainda mas configuracionnan e aña aki cu ta brinda bo mas control riba bo privacidad. Por ehempel, pa fin di aña, bo lo por bisa Alexa pa elimina tur cos cu bo a bisa.

Pa awo, Echo por elimina automaticamente bo grabacionnan. Pa activa e configuracion ey, den e menu mas di e aplicacion Alexa, bay na configuracion>privacidad di Alexa>Administra datonan di Alexa> y activa e interuptor elimina grabacionnan automaticamente.

Tambe bo por cambia e configuracion cu ta permiti Amazon di usa bo grabacionnan di voz pa investigacionnan interno. Bay na configuracion>privacidad di Alexa>administra bo datonan na Alexa> y desactiva e interuptor pa uzo di grabacionnan di voz .

Activa e modo breve

Ora bo pidi Alexa, pa e haci algo, manera toca un cantica of cende e luznan, Alexa lo bisa algo manera “Ta bon, mi ta cende luz”. Esaki ta pa yuda bo determina si Alexa a haci loke bo a pidi e pa haci. Sin embargo, si bo no ta desea pa Alexa ripiti loke bo a caba di bis’e, bo por cambia e configuracion ey pa solamente e por haci un zonido breve den luga di respuesta vocal.

Pa haci esaki, habri e menu mas di e aplicacion Alexa y selecciona configuracion. Den e seccion di preferencianan di Alexa, bo ta click unda ta bisa respuesta di voz , despues bo ta activa e interuptor pa Modo Breve.

Ora bo ta configura bo Amazon Echo, e servicio di musica ta establece automaticamente riba Amazon Music. Sin embargo, si e ta un suscrito di Spotify, Apple Music of otro servicio di musica, e ta posibel cu por desea di vincula e Echo na e servicio ey di transmision. Bay na configuracion> Musica y podcasts> y despues servicio. Den e mesun pagina, click riba Servicionan pertermina y cambia bo proveedor di musica preferi. Awo, e Echo lo wordo reproduci desde e servicio di transmision di musica di bo telefon ora bo bisa “Alexa, toca musica” .

Cambia e palabra di activacion

Si e comercialnan di television ta sigui activa bo Amazon Echo ora bo bisa “Alexa, bo por cambia e palabra di activacion pa algo cu por ta menos probabel cu lo activa ora di papia. E otro opcionnan pa yama e assistent di voz ta computer, Echo y Amazon.

Si bo ta desea cambia e nomber, simplemente bisa, “Alexa, cambia e palabra di activacion” y haci bo seleccion. Tambe bo lo por habri e aplicacion Alexa, bay na configuracion>configuracion di aparato (device)>selecciona bo aparato> click Wake Word y haci un eleccion. Desafortunadamente, bo no lo por haya bo mesun nomber pa e orador, manera Tullulah of Digital Overlord.

Activa e voz di compras

No ta semper bo tin tempo pa haci un buskeda riba Amazon y cumpra algo cu bo falta, manera papel di WC. Ta p’esey e por ta util di configura bo compra via voz riba bo Amazon Echo pa asina Alexa por ordena bo productonan.

Pa cuminsa, bo mester activa e pedida via voz y e pedido cu solamente 1 click. Habri aplicacion Alexa y bay na configuracionnan> configuracion di cuenta> compra via voz y activa bo compras via voz . Na continuacion, den e mesun pantaya, bo lo tin mester di configura un codigo di voz of perfil pa solamente abo por haci comprasnan online. Unda ta bisa confirmacion di compra, click activa y selecciona perfil di voz ( solamente bo voz lo activa e compra ) of codigo di voz ( mester ta un codigo di 4 digital ).

Configura profielnan den bo hogar

Si bo tin varios personanan den bo cas, bo lo kier configura profielnan di voz pa cada miembro cu lo usa e speaker Echo. Esaki lo yuda Alexa pa siña bo voz y distingui di e otro nan cu tambe ta den cas. Pa crea profiel di voz , bo ta bay na configuracion> configuracion di cuenta> voz nan reconoci>crea un profiel do voz y sigui e instruccionnan riba e pantaya pa configur’e.

Bo por sigura bo mes si bo profiel di voz a wordo graba corectamente puntrando Alexa, ken mi ta? E assistent di voz lo bisa “Mi ta papiando cu (bo nomber of esun di e persona).

Awo bo a actualisa e configuracion di bo speaker Echo.