6 cientifico Hulandes a ricibi premio di 2.5 miyon euro cada un pa nan investigacion

(NLTimes) – 6 cientifico a ricibi e premio mas halto di ciencia Hulandes e aña aki, e premio Spinoza y Stevin cu 2.5 miyon euro cada un pa continua nan investigacionnan cientifico.

Thea Hilhorst, Klaas Lansman, Corne Pieterse, and Ignas Snellen a ricibi e premio Spinoza. Bas Bloem and Tanja van der Lippe a ricibi e premio Stevin.

Netherlands Organization for Scientific Research (NWO) lo otorga e premionan den october.

Thea Hilhorst ta un profesor di ayudo humanitario y reconstruccion na Erasmus University su International Institute of Social Studies. E ta ricibi e premio Spinoza pa su investigacion tocante emergencianan causa pa desasternan y conflictonan arma, enfatisando e impacto di ayudo humanitario.

Crone Pieterse ta un profesor di interaccionnan di microbionan den planta na Utrecht University. E ta studiando con plantanan ta defende nan mes contra di malesanan y pestenan pa contribui na agricultura den futuro y asina provee mas siguridad di cuminda pa e poblacion cu ta creciendo.

Ignas Snellen ta un profesor di astrofisica observacional na Leiden University. E ta investiga planteanan cu ta rond di streanan cu no ta nos solo, y ta desaroya tecnicanan inovativo cu hermentnan cu e y otro cientificonan por usa pa descubri mas di e exoplanetanan aki.

Klaas Landsman ta profesor di fisica matematico na Radboud University na Nijmegen. E ta combina investigacion entre matematica y fisica cu un bista den e origen, historia y filosofia di fisica. Segun NWO, su ideanan unico a surpasa e reglanan di disciplina, y e ta provee un bista nobo den e fundamentonan di nos existencia.

Tanja van der Lippe, profesor di sociologia na Utrecht University a ricibi e premio Stevin pa su investigacion tocante un balans saludabel entre trabao y bida. “Pa medio di traduci e resultadonan di su investigacion y converti esaki den herment y plataforma, el a permiti organisacionnan converti su trabao den un practica, cual ta haci un contribucion grandi den e bienestar di empleadonan,” NWO a bisa.

Bas Bloem, profesor di desorden di movimento neurologico na Radboud UMC na Nijmegen, ta e experto lider den Parkinsons y a ricibi e premio Stevin pa su investigacion. El a desaroya PArkinsonNet, cual ta un modelo pa cuido di salud internacional pa personanan cu tin Parkinson’s. E ta haci uso di varios plataforma pa informa tur hende tocante e malesa aki.