Rooibiet no ta necesariamente un alimento basico den dieta di hopi hendenan, pero probablemente e lo mester ta si. E tubercolonan unico aki por ofrece un gama amplio di beneficionan pa salud, desde reduci presion arterial hasta mehora e rendimento den deporte. Tambe e ta contene variedad di nutrietenan y compuestonan cu bono lo haya den hopi alimentonan.

Ya sea cu bo lo ta agregando rooibiet riba un salada of bebiendo e juice di dje, e berduranan aki ta facil pa incorpora den bo dieta. Ki nan nos ta duna bo 6 beneficionan di consumi rooibiet.

1)Rooibiet por reduci presion arterial

Rooibiet ta contene nitrato, cual e curpa ta converti den oxido nitrico. Oxido nitrico ta un vasodilatado cu ta relaha y ta expande e vasonan di sanger loke por reduci e presion arterial, Danna Hunnes, Phd, MPH, RD, dietista principal di Centro Medico Ronald Reagen di UCLA y profesora di scol di salud publico, ta bisa.

Un estudio chikito di 2015 a mustra cu mester bebe 250ml di rooibiet juice pa dia durante 4 siman, ta suficiente pa reduci e presion arterial den patentnan cu hypertension. Rooibiet tambe por reduci presion arterial den hendenan mayor cu sobrepeso, segun un estudio chikito na 2014.

2)Rooibiet por combati inflamacion

E color cora scur di rooibiet ta wordo causa door di e betalaina, un fitonutriente produci door di matanan cu tin propiedadnan manera antioxidante. Hunnes ta bisa cu e batelaina tin propiedadnan antiinflamatorio pasobra e por suprimi e enzima ciclooxigenasa-2 (COX-2) cu ta asocia cu inflamacion.

E inflamacion cronico por daña celnan cu ya ta sano y aumenta e riesgo di problemanan di salud a largo plaso manera enfermedadnan cardiaco, cancer, diabetes y alzheimer. “E inflamacion cronico ta un poco manera oxida un” Hunnes ta bisa. “Si e oxido no wordo kita y ta sigui wordo expone na e elementonan, e lo sigui degrada”.

Den un estudio chikito di 2016, e investigadonan a haya cu e inflamacion sistematico a mehora pa personanan cu presion arterial halto despues di dos siman di suplementacion cu rooibiet den forma di juice of gewoon rooibiet crudo. E juice di rooibiet crudo tabata incluso mas efetcivo pa combati e inflamacion cu e rooibiet cu a wordo cushina caba.

3)Rooibiet por yuda bo baha di peso

Ora bo intenta perde peso, e por ta hopi beneficioso come alimentonan cu ta yena bo pa laga bo sinti yen y no come den exceso.

“Rooibiet ta rico den contenido manera awa y fibra. Esaki por yuda mantene bo yen pa hopi mas tempo y miho hidrata, loke tambe e por yuda bo ( sinti bo yen )” Hunnes ta bisa. Hunnes tambe ta bisa cu rooibiet ta relativamente baho den calorianan y ta contene un cantidad decente di proteina pa un tuberculo, loke ta converti esey den un opcion saludabel pa un hende cu ta purbando di perde peso, por ehempel un glas di rooibiet te contene :

1) 3,81 gram de fibra dietetico

2) .19 gram de proteina

3) 58,5 caloria

4) Rooibiet por yuda cu digestion

E halto contenido di fibra y awa di e rooibiet tambe por yuda cu e digestion, Hunnes ta bisa. Fibra ta yuda bo tene evacuacionnan intestinal normal na aumenta e volumen di bo ficus, loke ta haci pa e ta menos probabel di un estreñimento.

Un metaanalisis di 2012 di 5 estudionan diferente a confirma cu fibra por aumenta e frecuencia di e deposicionnan. Fibra tambe por yuda preveni afeccionnan digestivo manera e cancer di colon, e enfermedad pa refluho gastroesofagico y diverticulitis.

5) Rooibiet por yuda cu salud mental

Dado na cu e rooibiet por reduci presion arterial, e tambe por yuda reduci e riesgo di accidente cerebrovascular y otro problemanan cerebralnan. “Cada biaha cu tin presion arterial halto, ta aumenta e riesgo di accidente cerebrovascular y otro disminucion cognitivo. Por lo tanto, baha presion arterial ta yuda y tambe ta aumenta e facilidad di e cantidad di sanger cu ta yega na bo cerebro” Hunnes ta bisa.

Nitratonan di rooibiet tambe por influi den e salud di cerebro. Un estudio di 2011 di adultonan mayor a wordo haya cu e nitratonan a aumenta e fluho di sanger na regionnan importante di e cerebro, manera e lobulo frontal, cu ta asocia cu e atencion y e memoria di trabou.

6) Rooibiet por yuda mehora e rendimento deportivo

Nitratonan cu ta wordo haya den rooibiet tambe por mehora e rendimento deportivo, debi na e efecto cu e tin tocante e mitocondria, e parti di celula cu ta produci energia. Hunnes ta bisa cu nitratonan ta mehora e eficiencia di e mitocondria celular.

E no ta necesario pa tene un dieta constante di rooibiet so pa obtene e beneficionan aki. Incluso come rooibiet un biaha prome bo ehercicio por yuda bo, Hunnes ta bisa. E nitratonan ta alcansa su punto maximo den e sanger aproximadamente dos of 3 ora despues di consumi, pa loke e ta miho consumi rooibiet dos of tres ora prome cu bo ehercicio. Hunnes ta recomenda pa tene 300 miligram di e compuesto activo, cu e lo ta aproximadamente 1.5 glas di juice di rooibiet.

Riesgonan di rooibiet

Manera e ta pasa cu tur otro alimentonan, e consumi den exceso di rooibiet por causa algun problema di salud. E riesgonan di e consumo den exceso ta inclui :

Mayor riesgo den calculonan renal: Dado na cu e rooibiet tin un contenido halto di oxalato compuesto, come hopi di dje por contribui den e formacion di calculonan renal ( kidney ).

Beeturia : Cu beeturia, e orina por bira ros of cora, ademas bo ficus tambe por haya un color aunke straño, esaki ta in ofensivo y e lo kita un biaha bo reduci e consumo of stop di ingesta rooibiet.

E por haci daño den wesonan : E ta posibel cu bo lo kier evita rooibiet, e oxalato di e rooibiet por provoca un aumento di e acido urico, loke por empeora of lanta problemanan manera artritis. Si bono ta sigur cu rooibiet por traha pa bo of si bono ta sigur di cuanto bo mester consumi di dje, bo por semper consulta esaki cu bo medico, Hunnes ta conseha.