18COlegio (3).JPG

Segun Conrector na Colegio Arubano, Sra. Anne M.C. Cameron, e resultado nan di examen tabata mas miho cu aña pasa y ta spera cu ainda e subi mas na e di dos tijdvak cu ainda falta pa bini.

 

Di VWO 6 tin 186 candidato di examen di cual 113 a slaag, esaki ta nifica un porcentahe di
61% pa VWO y pa HAVO e aña aki tabata tin 262 candidato di examen di locual 151 a slaag pa nan HAVO diploma cu un porcentahe di 58% cu a slaag HAVO 5 segun Directiva di Colegio Arubano ta bisa Bon Dia. ”Compara cu aña pasa, esaki ta miho .Despues di e eerste tijdvak aña pasa  nos resultado nan tabata tin un 43%, kemen nos a subi pa 58% y nos ta spera cu ainda e ta subi mas pasobra tin un di dos tijdvak anto esey tambe ta conta pa VWO. Aña pasa nos tabata tin 58% cu  a slaag cu e prome tijdvak anto e la subi tambe, pues  e aña ki nos tin 61% pues nos ta un tiki mas halto cu aña pasa y nos ta spera cu esey ta bira mas halto den e resultado nan di 1 di juli venidero” Sra. Cameron ta bisa.

Porcentahe lo por ta mas halto?
Sra. Cameron ta splica Bon Dia cu kisas e porcentahe lo por ta mas halto pero cu no ta un factor so lo por hunga un rol den esaki. Cameron ta splica cu alumno nan no ta gusta lesa buki, y den special no den Hulandes y esaki ta un reto cu manera Directiva di Colegio Arubano nan ta hopi consciente di dje. 
”Nos ta bisa e alumno nan pa lesa buki di tur idioma y awendia ta hopi dificil e ta un reto grandi pa laga e alumno nan lesa y esey no ta nada diferente den examen klas of prome cu examen klas. Pasobra  e ta cuminsa prome cu examen klas caba, nan mester cuminsa lesa caba y esey no ta un motibo pakico e porcentahe no lo por ta mas halto, e por ta un di e motibo nan pero no e motibo absoluto” Sra. Cameron ta splica Bon Dia.

 

 

Tin alumno cu no kier bay

Sra. Cameron ta agrega por ehempel cu tin vak nan cu ta hopi dificil e aña aki pa HAVO y VWO,  examen di MNO, Scheikunde y Nederlands tabata hopi dificil. Esaki tambe ta conta y banda di esey nos tabata tin 
”Nieuwe vak slaagregeling” den HAVO 5 y nos tabata tin un averahe di 5.5 esey nos tabata tin aña pasa caba, pero e aña aki ainda mas dificil. Nan mag di haya maximo un 5 pa e kernvak tambe, pues Hulandes, Ingles y Matematica. Esey tur ta cosnan cu ta hunga un rol pakico un alumno ta slaag si of no. Tambe, tin e echo cu nos ta topa diariamente mucha nan cu ta hopi honesto cu ta bisa nos den guia di scol cu nan sa cu nan por slaag pero nan no kier slaag pasobra nan no kier laga e isla y nan famia ainda y studia afo. Door cu tin poco opcion pa nan, ultimo aña esaki a cambia un poco tambe pasobra tin manera un overgangs studie na Universidad di Aruba, un verdiepings jaar cu por haya prome cu bay studia, pues mayoria di nos alumno nan den HAVO 5 tin 17 aña so, tin di nan 16 y nan no ta cla pa bay ainda. ”Sra. Cameron ta comenta.
 

Sra. Cameron ta agrega cu claro como scol nan ta papia cu nan y splica nan con pa prepara nan mes miho prome cu ta bay afo, tur esaki segun Sra. Cameron ta hunga un rol hunto cu varios cos den e asunto pakico un porcentahe lo ta asina of no.