Na RIVM te cu 10 or di mainta a keda registra un total di 5475 caso nobo di personanan afecta cu coronavirus na Hulanda . Esaki ta significa 1815 caso mas acerca cu un dia prome.
Siman pasa na Hulanda a registra un total di 2308 caso positivo, esaki ta 277 porciento mas cu e shete dianan anterior. Debi di e subida drastico aki si mester aumenta e medidanan e gobierno di Hulanda lo anuncia awe segun minister demisionario de Jong.
Por a tuma nota di e subidanan drastico di casonan di coronavirus y lo mester bay atende cu esaki . Si mester tuma decisionnan pa aumenta e medidanan , esaki ta depende di e conseho cu lo keda duna dor di Outbreak Management Team (OMT). Ya caba gobierno demisionario di Hulanda a haci e peticion pa asina haya conseho riba kico por haci pa asina no pone un peso riba e hospital nan na Hulanda.
Loke tambe ta resalta ta cu esunnan cu tin e virus na e momentonan aki ta muchanan hoben cu ta haya e virus pero cu no ta bay dokter pa haya tratamento y ta keda te na ultimo pa haci esaki unda cu nan no por wanta mucho mas.
Tambe minister demisionario de Jong a duna di conoce cu e situacion aki por pone Hulanda den codigo cora y na unda cu Hulandesnan no ta bon bini mas na otro paisnan rond mundo cu si tin e virus controla. E mandatario a haci peticion na tur persona pa nan bay vacuna . Sea nan ta kier pa vacuna pa proteha nan mes of nan ta kier pa no vacuna y cu consecuencia cu nan por bira malo y ta pone e libertad di cada ciudadano na peliger.
