Corona Virus a bin pa duna humanidad e regalo di “KARUNA”, e nivel mas halto di compasion.

E palabra “Karuna” ta bin di Sankrit. “Karuna” ta nifica haci algo yena cu e nivel mas halto di compasion, pa asina alivia sufrimento. Karuna, e nivel mas halto di compasion, ta inclui e 6 virtudnan cu semper ta presente den e alma. E virtudnan aki ta ser expresa den relacionnan cu nos tin cu otro. Karuna ta manera un satelite cu ta emiti e frecuencianan

di e 6 virtudnan: Amor, Cariño, Misericordia, Pordon, No violencia y Generosidad.

E Coronavirus ta un emergencia mundial y social cu ta rekeri esfuerso colectivo pa proteha nos mes y otronan. E virus ta un excrecion di un celula toxico cu a bay viral. E ta plama principalmente entre hende door di likido respiratorio “Droplets” di un persona infecta y tambe door di mishi cu superficienan cu por contene germen di e virus y despues mishi cu boca, nanishi of wowo. Pa nos por maneha nos mes den e brote diripiente di e coronavirus y tambe cu e precaucionnan drastico cu nos tin cu tuma, tin hopi consecuencia emocional, manera ansha, insiguridad, preocupacion, miedo y reaccion exagera. Door cu no tin tratamento inmediato disponibel pa e virus aki, hende ta bay den campo spiritual pa busca forsa y sosten. E metodo “Karuna” (haci algo cu e nivel mas halto di compasion) ta ser ofrece como un experimento spiritual colectivo pa yuda habri nos curason y alma pa un contesta mas eleva, un cu ta rekeri flexibilidad y forsa pa atende cu e situacion actual. Ban hunto colectivamente emiti frecuencianan di Amor, cariño, pordon, no-violencia y generosidad den e siguiente forma:

Amor

Amor yena cu e nivel mas halto di Compasion ta cuida y considera otro. E no ta egoista den loke e kier alcansa y ta mantene respet y aprecio. Su intencion ta puro. Hende cu ta stima cu compasion, sea pa nan sernan keri, nan comunidad, of henter humanidad, ta haci esaki continuamente y ta mantene nan relacion cu otro pa medio di sirbi otro sin ta desea of spera algo bek.

Con nos por aplica e virtud “AMOR yena cu compasion” riba e precaucion “social distancing” cu nos tur tin cu tuma, sin cu nos tin cu bira ansha?

Social distancing, e espacio di 2 meter separa di otro ta duna nos e oportunidad pa practica e principio spiritual di “ta desapega y amoroso.” E fundeshi di bida humano ta amor. Amor ta trece almanan cerca di otro. Ta “desapega” ta duna nos oportunidad pa ta completamente presente. Social Distancing ta e oportunidad pa comparti amor spiritual.

Cu bo wowonan emiti vibracion di pensamento eleva y sentimento puro na otro.

Cu bo mannan contra otro, duna honor na e divinidad den esun bo dilanti. Nan ta yam’e “namaste.” Cu bo sonrisa saluda otro cu sentimento di paz. Esaki ta yama “om shanti.” Om (=ami ta un alma) Shanti (=paz). Ban hunto colectivamente emiti frecuencianan di Amor yena cu compasion pa cu otro durante di Social Distancing.