Salar de Uyuni e spiel mas grandi na mundo

ORANJESTAD – Salar de Uyuni of Salar de Tunupa ta e luga di salo mas grandi na mundo, cu 10,582 kilometer cuadra. Esaki a situa den e provincia di Daniel Campos na Potosí, na e parti sur-occidente di Bolivia, cerca di e crest di Andes cu un elevacion di 3,656 meter riba nivel di lama.

Salar a forma como resultado di e transformacion entre varios lago prehistorico. Esaki ta cubri pa poco meter di ‘crust’ di salo, cual tin un plantitud extraordinario cu un elevacion averahe dentro di meternan riba ful e area di Salar. E crust ta fungi como e fuente di salo y ta cubri un pool di ‘Brine’, cu ta excepcionalmente rico den lithium. E ta contene 50% di e 70% di reserve di lithium conoci na mundo. E area grandi, shelo cla, y e plantitud excepcional di e superficial ta haci Salar ideal pa calibra e altimeter di satelitenan di obersvacion di Tera.. Despues di awasero, un capa fini di awa trankil y seco ta transforma e suelo den e spiel di mas grandi di mundo, di 129 kilometer di hanchura.

Salar ta sirbi como e ruta principal di transporte traves di Altiplano Boliviano y ta un luga importante pa broeimento di cierto especie di flamingo. Salar de Uyuni tambe ta un zona di transicion climatologico y cu ta forma nubianan tropical.

Salar de Uyuni ta parti di e Altiplano di Bolivia na Sur America. E Altiplano ta un plateau halto, cual tabata forma durante e elevacion di e montañanan di Andes.

Salar ta contene un gran cantidad di sodium, potassium, lithium y magnesium mescos cu borax. Cu un calculacion di 9,000,000 t, Bolivia ta produci alrededor di 7% di e recursonan di lithium conoci na mundo y mayoria di nan ta na Salar de Uyuni.