Ta importante pa haci actividad fisico pa movecion y orientacion

ORANJESTAD – FAVI (Fundacion Arubano di esnan Visualmente Incapacita) ta tene nan actividad unda cu nan cliente tin e libertad conhuntamente cu boluntario pa cana na diferente parti di Isla. 

Charlene Marchena di FAVI ta duna di conoce cu nan ta haci actividad aki regularmente na varios parti di Aruba manera Parke Jaburibari, Green Corridor, Beach y asina nan por cana y haci ehercicio, bay landra, haci uso di machine cu tin na e Green Corridor y Linear Park.

Nan ta haci ehercicio tambe na FAVI y otro actividad pa nan cliente cu ta tuma luga tur diamars di 9:00 am te cu 11:00 am tur siman. E ta comparti cu nan ta haya un bon programa pa medio di actividad fisico, cliente ta mantene nan mes felixibel.

Marchena ta splica cu ora persona bira ciego nan tin tendencia di bira stijf’ pasobra nan no ta sigur di con ta mobilisa. Anto tur e parti fisico di e persona ta bira stijf. Pa e motibo aki ta importante ‘pa movecion y orientacion’ pa haci gym of Zumba.

Banda di esey, e ta agrega cu nan ta bisa cu personanan afo por wak cu persona cu limitacion ta forma parti di comunidad y ta consciente cu e persona tin derecho di ta afo den comunidad ‘manera cualkier otro’.

Cu esey nan kier informa cu nan lo tin un caminata 29 di maart. E ta cuminsa 5:00pm cu lo tin Zumba pa hende baila y lo cuminsa 5:30 pa start cu tur participante cu ta canando of core 5km.

E distancia lo ta di brandweer te cu yega Wilhelmina Park y despues bay bek brandweer. Esey lo ta un fundraising pa e fundacion. “Nos ta integra nos cliente den comunidad pasobra nan tambe ta participa den caminata. E ticket ta costa 10 florin y muchanan bou di 5 aña gratis.

Marchena ta bisa cu nan lo tin premionan special pa e grupo mas anima, ambiente. Nan ta encurasha pa hende forma grupo den famia of compania. Nan lo tin copa pa grupo anima di famia, participante y empresarial pa e caminata ‘walk with a vision’.

Esaki lo ta e di 9 caminata pa aña y ta contento di conta cu sosten di pueblo. Tambe a agrega cu ta haci esaki pa motibo cu FAVI ta brinda e servicio na cliente gratuito. “No ta cobra cliente pa participa na nos programa semanalmente. Locual nos ta haci ta duna e posibilidad na cliente.”

Nan ta duna interes y gana pa sigui siña habilidad pa asina nan por desaroya nan mes complet’e y integra den comunidad. Pa motibo di organisa caminata pa crea fondo necesario pa sigui ofrece nan cliente e servicio optimal posibel y pa mantencion di luga