Cinco migrante a fayece y otro 50 persona a disparce despues cu nan a wordo forsa pa bula for di un boto pafo di e costa di Yemen. Ta di dos biaha cu esaki ta sosode den menos cu dos dia, segun agencia di migracion di Nacionnan Uni a laga sa.
E declaracion di e organisacion internacional pa Migracion a bini menos cu un dia despues cu nan a bisa 50 persona for di Ethiopia y Somalia a wordo deliberadamente hoga door di un traficante di hende. Mas o menos 180 persona a wordo forsa pa bula for di e boto den e ultimo incidente diahuebs mainta segun IOM. Algun di esnan cu a sobrevivi a bisa autoridadnan cu e traficantenan a pusha nan for di e boto manera cu nan a mira autoridadnan cerca. 50.000 migrante a sali for di Horn,Africa direccion Yemen desde Januari, mayoria di nan ta di Somalia y Ethiopia, anto mastanto hende muhe. E hendenan aki ta buscando un miho bida un otro caminda, purbando di scapa for di e constante violencia cu tin rond di nan pais.
