(TMZ) – 50 cent ta preparando pa lansa un documentario tocante Diddy y su drama reciente, sinembargo e placa cu e documentario aki genera lo ta pa un bon causa.
E rapper di “Get Rich Or Die Tryin” su documentario binidero tin plan di duna luz na e varios acusacion tira den contra di Diddy den e simannan recien y el a anuncia diaranson cu e ganashi lo ser duna den donacion. Representante di 50 Cent y G-Unit Film and television a confirma na TMZ Hip Hop cu e documentario aki actualmente ta den desaroyo y cu tur ganashi for di e documentario aki lo ser duna den donacion na victimanan di agresion sexual y violacion.
Pa compaña e anuncio, 50 a comparti video nobo di un entrevista cu ex artista di Bad Boy Mark Curry, unda e rapper di Bad Boy 4 Life a acusa cu Diddy tabata organisa fiestanan y tabata duna pildonan y boternan droga na e muhenan cu atende e fiesta. Tambe el a duna acusacionnan na su otro enemigo Rick Ross den e trailer aki, usando Rozay su letranan controversial den e cantica “U.O.E.N.O” tocante pone molly den e champagne di hende muhenan ora cu nan no tabata wak.
50 cent te ainda tin cu revela e fecha di lansamento pa e documentario, pero e tin basta tempo ta publica tocante Diddy.
