(Europol) – A aresta 39 individuo dia 24 di juni ultimo na Spaña, Noruega, Polonia y Reino Uni despues cu a confisca cocaina na un balor di 45 miyon euro for di un barco riba lama na 2023. Tripulacion di 8 persona tambe a keda aresta durante e intercepcion inicial aki.

Simultaneamente a haci inval na 47 cas na Bulgaria, Colombia, Noruega, Panama, Portugal, Spaña y Trinidad y Tobago. Simannan subsecuente a mira otro tres individuo deteni, treciendo e cantidad total di aresto na 50.

Europol a sostene e investigacionnan aki desde augustus 2023. Dia 20 di december 2023, autoridadnan a intercepta un barco di bela den awanan internacional cerca di costa di Martinique cu 1,500 kilo di cocaina abordo. Ocho persona, incluyendo e tripulacion y algun involucra di otro manera, a keda aresta e mesun dia. Despues di e operacion aki, den marco di actividadnan di inteligencia na caminda cu su contrapartinan operacional, Europol a logra desaroya inteligencia accionable relaciona cu actividadnan di traficacion di droga di e grupo di crimen organisa aki. Esaki a conduci na mas investigacion y actividadnan operacional involucrando 10 pais.

A aresta e sospechosonan como parti di un operacion internacional contra traficacion di droga dirigi pa Polis Nacional Spaño. Autoridadnan Spaño a traha di cerca cu Polis Noruego, Agencia Nacional di Crimen di Reino Uni, y Administracion di Droga Mericano (DEA) den e marco di un Taskforce Operacional cu a set up na Europol. Proposito di e taskforce tabata pa enfoca riba un organisacion di traficacion di droga cu vinculo na region Western Balkan cual autoridadnan tabata sospecha di manda cantidadnan grandi di cocaina pa Europa.

10 barco di cocaina operando entre Sur America y UE

Durante e investigacion, e agentenan a identifica un total di 10 barco usa pa e organisacion riba e ‘rutanan di droga’ y cu e criminalnan tabatin diferente base di operacion na Spaña y Sur America. Na Spaña, nan a usa Valencia, Alicante, Almeria, Malaga y Islanan Canarias como puntonan logistico prome cu nabega pa Sur America. Na Sur America, nan a usa Brazil, Colombia, Guyana, Trinidad y Tobago, Saint Lucia, Barbados of Panama pa mantene e barconan di bela cla pa nabega cu e droga. E sistema aki ta nifica cu por move cargamentonan asina cu e orden di e lider di e red criminal of su teniente keda ricibi.

Despues lo tuma e cocaina for di costa di e islanan Caribe riba barconan di bela cu tiki despues tabata nabega pa Spaña, for di unda tabata distribui e droga na varios pais di UE riba tera. E tripulacion pa e barconan di bela tabata recluta na Noruega door di un di e lidernan di e organisacion di traficacion di droga, kende Europol a designa como un Obhetivo di Balor Halto. E individuo aki tabata entre esnan aresta na Noruega dia 24 di juni.

Cooperacion internacional via Europol pa vincula confiscamento di droga y traficadornan

E operacion aki tabata e culminacion di varios luna di planeamento meticuloso den preparacion pa e fase final di e accion. E partnernan ta trahando hunto di cerca den marco di un Taskforce Operacional di Europol pa establece un strategia conhunto y organisa e intercambio extensivo di informacion.

Europol a duna desaroyo continuo di inteligencia pa crea un mapa di e obhetivonan y nan actividad criminal. E agencia tambe a financia un reunion operacional na Madrid. Durante e dia di accion, un experto di Eurpol a keda desplega na Marbella, Spaña, pa duna asistencia cu e analisis rapido di data mientras tabata colecta esaki, yudando pa ahusta e strategia operacional segun tabata necesario. Ademas, Europol a funda e intercambio di agentenan di polis Spaño y Noruego riba dia di e accion.