Ambliopia, mas conoci manera un wowo floho, ta un condicion relativamente comun. E ta pasa den aproximadamente na 3% di muchanan, ta implica cu un wowo ta mas debil cu e otro y tin un vision mas pober cu e otro wowo.

Aunke ta existi un estigma den e torno termino “wowo floho”, ta importante pa tene na cuenta cu un wowo floho no ta un refleho di caracter. No ta nifica cu e ta floho, e ta un problema di salud incontrolabel cu bo wowonan y por wordo trata cu varios metodo.

Sin tratamento, e wowo lo wordo debilita aun mas, pa esey ta importante drecha e wowo floho. Esaki ta loke bo mester sa tocante e causanan di ambliopia y con pa trata esaki eficazmente.

Kico ta un ambliopia “wowo floho”?

Ambliopia ta ora tin un mal vision riba un wowo y e vision ta depende riba e wowo “bon” mas fuerte. E ta un resultado di un problema cu e conexion entre e wowo y e celebro. Un wowo floho generalmente ta wordo desaroya trempan den bo bida.

Ora e vision den un wowo ta abnormal, e conexionnan neuronal of e señalnan celebral no ta wordo stimula adecuadamente y e señalnan cu ta wordo manda na e cerebro ta crea un imagen wazig ta bisa Jill Rotruck, MD, oftalmologa y profesora asistente di Oftalmologia y Ciencia Visual den e Facultad di Medicina di Yale.

Tin 3 forma principal di un wowo floho

Error di refraccion no coregi : esaki ta ora un problema di vision no ta wordo coregi, manera miopia, hipermetropia of astigmatismo.

Estrabismo : kinan ta ora e wowonan ta desalinea.

Privacion di estimulo : esaki ta ora algo ta blokia e vision.

E Ambliopia den si mismo no ta produci un cambio den e aparencia di e wowo, ta bisa Rotruck. Si e wowo floho ta causa door di un eror di refraccion no coregi, ambos wowo por parce normal.

Sin embargo, den e caso di estrabismo, e wowonan por ta desalinea y un di nan ta desplasa den e parti paden of den e parti pafo. Ademas, si e Ambliopia ta causa door di algo cu ta blokia e vision, esaki lo ta visibel, manera un parpado cay, un cicatriz dilanti e wowo of un nubosidad di cristalino di e wowo.

Con pa drecha un wowo floho

Dependiendo e situacion di e individuo, tin varios formanan di drecha un wowo floho. Si ta bon e metodonan ta hopi diferente, principalmente nan tin e mesun obheto, cu ta aborda e causa subyacente y forsa e uzo di e wowo mas debil.

Algun ehempelnan di tratamento ta inclui :

1.Brillnan corectivo

Un forma di coregi un wowo floho ta mediante e uzo di bril cu ta defumi deliberadamente e imagen cu e wowo mas fuerte ta wak. Esaki generalmente ta haci mediante e uzo di un prescripcion incorecto di brill, loke ta conoci manera un penalizacion optico.

Na defumi e imagen cu e wowo mas fuerte ta wak, Rotruck ta bisa cu e cerebro lo haya su mes obliga na presta atencion na e wowo debil y fortalece e conexion entre e cerebro y e wowo mas debil. E lens por wordo uza di e mesun manera, sin embargo, si e patent ta un mucha hopi chikito, e ta hopi probabel cu brilnan lo wordo recomenda.

Segun e academia Mericano di Oftalmologia, e brilnan corectivo ta un tratamento di prome liña hopi comun pa e ambliopia. E metodo aki ta hopi eficaz pa e ambliopia. Un estudio di 2006 a mustra cu tabata tin un miho significativa den e 77% di e participantenan. Ademas, e afeccion a wordo resolvi por completo den e 27% di e participantenan.

2.Parchenan pa wowonan

Den luga di defumi e vision den e wowo mas fuerte, un parche ta elimina completamente e vision den e wowo mas fuerte, loke tambe ta fortalece e wowo floho mas debil na fortalece e conexion entre e cerebro y e wowo mas debil. Rotruck ta bisa cu e tratamento ta varia desde e uzo di e parche di dos te cu 6 ora, hasta henter dia den algun casonan.

A wordo demostra cu e tratamento aki ta eficaz. Un estudio di 2006 a haya cu 2 oranan diario di un parche a resulta den un miho modesta ta modera un ambliopia severo.

3.Gotanan di wowo medicinal

E forma mas comun di gotanan ocularnan medicinal pa wowonan floho ta e gotanan di atropina. Rotruck ta bisa cu nan ta funciona impediendo e wowo mas fuerte di enfoka, loke ta causa e vision wazig. Esaki ta implica pone e gotanan pa e wowo den e wowo mas fuerte, loke ta obliga e patent di uza mas e wowo debil, Rotruck ta bisa. Por lo general, e gotanan aki ta wordo receta pa uza dos dia pa siman.

Dos estudio di 2009 a haya cu e gotanan di atropina pa e fin di siman tabata efectivo pa mehora e ambliopia severo den e transcurso di 18 simannan.

4.Filtro Bangerter

Un filtro Bangerter ta un otro forma di defumina e vision di e wowo cu ta wak miho. Esaki ta un tipo special di filtro cu ta wordo coloca den e glas di e brilnan di e miho wowo, loke ta haci e bista a traves di e brilnan ta wazig, ta bisa Rotruck.

Esaki ta obliga e wowo floho pa wordo utilisa mas. E filtro ta wordo utilisa te cu e oculista di e patent determina e tratamento ya cu e no ta necesario. Segun e academia Mericano di Oftalmologia, e metodo aki no ta asina popular manera e otro nan.

Un estudio di 2009 a haya cu e uzo di un filtro Bangerter hunto cu brilnan corectivo ta funciona mas lihe cu e uzo di brilnan solamente corectivo solamente.

5.Cirugia

Den algun casonan, e cirugia ta necesario pa e ambliopia si e causa ta privacion di e estimulo, es decir, algo cu ta interpone den e camino di e vision, manera un parpado cay of cicatriznan.

“Despeha e obstruccion permiti cu e señalnan claro ta yega na e cerebro y e cerebro siña wak normalmente cu cada wowo” Rotruck ta bisa.

Pa hiba manera informacion privilegia

Den e ultimo instancia, e medico di e patent lo determina e miho tratamento pa e wowo floho. E medico lo dicidi cua metodo utilisa y durante cuanto tempo. Algun patentnan lo wak un mehoracion den un paar di siman, pero den otro casonan, e por hiba lunanan of mas pa trata ambliopia por completo.