5 Presidentenan anterior di Merca ta reuni pa recauda fondo pa victima di horcan na Merca.

[BBC] 5 Presidentenan anterior di Merca ta reuni pa recauda fondo pa victima di horcan na Merca.
E 5 presidentenan di Merca anterior cu ta na bida a reuni pa un concierto. E concierto tabatin como meta recauda fondo pa victimanan afecta pa horcannan e aña aki na Merca.

Barack Obama, George W Bush, Bill Clinton, George HW Bush y Jimmy Carter a bini hunto na Texas diasabra ultimo. E 3 presidentenan di partido Democrat y 2 di partido Republican a bini hunto pa yuda esnan afecta pa horcannan Harvey, Irma y Maria.

E politiconan a inicia e recaudacion despues cu horcan Harvey a raza Texas, causando biyones di dollar na destruccion. Sinembargo despues cu communidadnan na Florida, Puerto Rico y Virgin Islands tambe a wordo afecta pa tormentanan despues di esaki, a habri e campaña tambe pa e regionnan menciona.

Te awo 31 miyon U.S. dollar a wordo recauda.