(AP) – 5 persona a ser tira dialuna na New York City su West Indian American Day PArade, polis a informa. E ta e instancia mas recien di violencia marcando un di e celebracionnan anual mas grandi di cultura Caribense.
Un tirador cu tabata kier herida un grupo specifico di persona a los tiro na e ruta di e parada na Brooklyn alrededor di 2:35pm, NYPD Chief of Patrol John Chell a informa.
E parada a cuminsa oranan prome, cu miles di persona bailando y marchando. E tabata anticipa di sigui te cu anochi.
Dos presona tabata criticamente herida, segun Chell. E otro 3 victima ta anticipa di sobrevivi nan heridanan segun el a bisa. E tirador a huy for di e sitio.
“Esaki no tabata aleatorio,” Chell acomenta. “Esaki tabata un acto intencional di parti di un persona dirigi na un grupo di persona. Nos no tin ningun tirado activo ni nada di e naturalesa aki na Eastern Parkway. E parada ta andando y lo sigui cana te cu awe nochi.”
Videografo di Associated Press cu tabata alrededor ora cu e tironan a los, a mira por lo menos 2 persona banda di dje ta ricibi tratamento pa heridanan den cara y brasa.
Chell a pidi pa tur persona cu tabata presente provee cualkier imagen of video cu nan tin di e tiroteo. “Nos mester di e video,” Chell a bisa. “Nos ta bay resolve esaki, pero e ta bay tuma hopi trabao.”
