Awor tin 5 organisacion di pensioen uni pa e reto financiero di fondo di pensioen pa cual awor Algemeen Pensioenfonds van Curaçao (APC), Algemeen Pensioenfonds van Aruba (APFA), Algemeen Pensioenfonds van Sint Maarten (APS), Pensioenfonds Caribisch Nederland (PCN), The Pension Funds of Maduro & Curiëls Bank (MCB) a lanta CAPAS. Evelyn Kruithof – Bor ta splica di e meta di Capas.
“Capas ta para pa Caribbean Pension Funds Association, un asociacion di fondonan di pensioen den Antias cu a uni forsa. Locual cu nos tur ta confrontando como fondonan di pensioen y mesun cos cu fondonan di pensioen mundialmente ta, cu ta confrontando diferente reto similar na otro.”
Segun sra. Kruithof – Bor e retonan similar cu e fondonan di pensioen ta confrontando ta encera reto di “vergrijzing”, embeyecemento, tambe ta mira cu estudionan ta mustra cu nos tur tin expectativa nan pa biba mas largo. Cu esey, e tin un impacto riba fondonan di pensioen. Otro retonan ta mercadonan financiero local y internacional, Sra. Kruithof – Bor a bisa. El a sigui splica cu como fondonan di pensioen tin primanan cu ta colecta di participantenan. Intencion ta pa inverti esakinan, pa asina na dado momento por garantisa un pago di pensioen. Ultimo añanan ta mira cu esaki ta un reto riba su mes. “Cu esakinan tur na bista, nos a tuma e decision como Capas pa hunto uni forsa y lanta e asociacion di fondonan di pensioen den Caribe Hulandes. Locual cu ta para pe ta “behartigen van de belangen van pensioenfondsen”. Ya cu por combersa cu diferente partner, banconan central, dunadonan di trabou, participantenan y pa haci wak con ta enfrenta y acapara tur e retonan cu ta confronta.”
Segun sra. Kruithof – Bor, locual cu Capas ta para fuerte pe ta educacion permanente. “Ora cu papia di reto nan, ta mira e trabou y responsabilidad cu miembronan di directiva di fondonan di pensioen tin, miembro di Raad van Toezicht, pero tambe e trahadonan di pensioen cu ta exigi mas y mas di nan. Cu esaki ta mira e necesidad pa keda desaroya como trahado di e fondonan di pensioen.”
Retonan
Tin bastante reto, pero dos reto grandi, segun sra. Kuithof – Bor. E prome ta e embehecimento manera menciona anterior, desaroyonan grafico cu ta bin ora cu e expectativa ta cu nos ta biba mas largo. E ta nifica pa fondonan di pensioen cu e periodo di paga e pensioen ta bira mas largo. Kiermen mester tin un posicion financiero di tal forma cu por acapara esaki.
“E di dos reto ta e parti financiero y eigenlijk e mercado di capital. Nos ta mira cu tanto local y internacionalmente e “lange termijn rente” ta bastante abou. Nos ta mira volatelidad riba mercadonan internacional financiero bastante halto. Esey obviamente ta un impacto di e manera cu bo ta inverti pa asina na final di cuenta garantisa e pago di pensioen. Mi kier enfatisa e manera cu fondonan di pensioen ta yega na nan alocacion strategico pa por inverti. Esaki ta bay den un forma hopi profesional y ta estudionan hopi intensivo cu ta wordo haci cu yama “ILM onderzoek” pa por wak e riesgo di e fondo di pensioen y tambe e riesgo y desaroyonan financiero. Tur esaki teniendo na cuenta ta yega na un alocacion strategico cual manera ta inverti fondonan di pensioen.”
Segun sra. Kruithof – Bora agrega, tanto na Corsou, Sint Maarten y Aruba, tin e parti di “beleggingsregel” investment rule cu banco central nan ta pone nan mes tene na dje. Esaki ta e parti caminda cu facilmente mester inverti por lo menos 60% di bo capital local. ora cu bo ta un fondo di pensioen substancial, 60% local por ta un reto. Sinembargo sigur ta mira futuro positivo riba e mercado local tambe, el a splica.
E reto di embeyecemento ta uno sumamente grandi, por mira cu na Hulanda ta bayendo rumbo pa 67 aña, Aruba ya a introduci un edad di pensioen cu algun paso cu por yega 65 aña. Na Corsou ya caba conoce e parti di AOV cu a bay 65 y por ehempel APC ta trahando riba un cambio di ley di pensioen pa pronto tambe por yega 65 aña. Na Sint Maarten tambe tin combersacion cu ta wordo hiba den e direccion ey, el a agrega. “No por otro, pasobra esaki ta un parti cu ta influencia e posicion financiero di fondonan di pensioen. Naturalmente bo tin cu toch haci cierto ahustacionnan pa acapara algo asina aki. Por ehempel tin cierto grupo di trabou cu kisas ta bastante dificil pa keda traha te cu 65 aña. E ta nifica algo pa bo economia tambe. P’esey e ta importante pa doñonan di trabou keda den combersacion cu nos y gobierno pa wak cua ta e manera mas adecua pa por soluciona algo asina aki.”
E gruponan cu no por yega te cu 65 aña ta un palabra grandi, por mira cu salud a bay dilanti pero tin otro cu ta pensa cu nan a yega edad di 60 y nan ta pensa kico nan ta bay haci awo pa baha cu pensioen. Cual ta otro banda di medaya. pero berdad tin caminda cu mester para keto na kisas e peso di trabou cu ta bastante grandi y hunto cu e doño di trabou mester yega na un funcion adecua kisas. “Nos no por bisa cu hende no por traha te cu 65, pero na mes momento ta mira necesidad pa e participante keda traha poco mas,” Sra. Kruithof – Bor a termina bisando.
