( Msn.com\Insider.com ) – E ta normal pa cachonan rascanan mes de bes en cuando, pero si ta nota cu bo cacho ta rasca sin stop, e por ta un senal di un problema. Tin hopi motibonan por loke bo cacho por tene comeson. E rascamento ta suele ta ora di tin pulga of otro parasitonan, pero tambe e por ta un senal di enfermedad subcayante manera hipotiroidismo.

1.Alergia na pulga

Ora e pulganan ta alimenta, nan ta deposita saliva na e cuero di su victimanan.

E saliva ta causa iritacion temporal den e mayoria di e cachonan, pero algun cacho en realidad ta alergico na e saliva di e pulganan, William H. Miller, Jr., VMD, profesor di dermatologia veterinario di e Universidad de Cornell.

Un cacho no alergico lo morde unda e pulga a pik’e of unda e tin e picadura, pero no mucho mas. Sin embargo, “si e cacho a bira alergico pa e saliva di e pulga, e picazon ( morde, kauw of rasca, etc ) e ta bira hopi mas intenso y lo dura hopi mas tempo despues cu e pulga bay.

Tin biaha por haya pulga den e stoma, e pianan y banda di e cola di bo cacho, Miller ta bisa. cu un inspeccion di cuidadoso, e ta posibel cu por wak e pulga en si den e af di e cacho, cu ta parce pidanan chikito di peper color preto.

Tratamentonan pa pulga

  • Un baño cu shampoo di pulga specialisa
  • Pena nan afo cu un skeiro di djente fini
  • Aplica tratamento pa e cuero recomenda pa veterinarionan, como frontliner, cu ta mata e pulganan.
  • Desinfecta bo cas y haci bo pañanan di e cacho su cama limpi cu regularidad

E cachonan hopi alergico tambe por beneficia di e tratamentonan standard pa e alergianan, manera e antihistaminico of steroids, pa yuda reduci e picason y e inflamacion. Papia cu bo veterinario pa wak si e tratamento di corto plaso aki por ta un bon opcion pa bo cacho.

2.Alergianan stacional

Bo cacho por tene mas picason den e lunanan mas calido, ora tin pulganan y sangura alrededor y e matananan ta cuminsa tira pollen.

E mayoria di e cachonan no tin problemanan cu pollen, pero den algun casonan, bo cacho por tene un predisposicion genetico na alergianan, Miller ta bisa. ora un cacho tin un reaccion alergico na pollen, e stof of mold, por mira rasca su mes of morde su mes excesivamente banda di e pianan y e horea.

No tin forma di cura alergianan stacional di bo cacho, pero ta existi tratamentonan cu por disminui of detene e sintomanan.

E steroids manera cortisona y antihistaminico manera e difenhidramina ( Benadryl ) e la keda usa durante hopi tempo pa trata cachonan alergico. Semper mester papia cu bo veterinario prome di duna bo cacho medicamentonan di alergia, un veterinario por sigura cu e tratamento adecua pa bo cacho y yuda bo calcula e dosis corecto, segun e peso di bo cacho.

3.Alergia alimentario

Si bo cacho tin alergia na alimentonan, e ta posibel cu e por tin un reaccion inmediatamente despues di come, pero e sintomanan di sensibilidad na e alimentonan por acumula mas gradualmente cu tempo. Bo cacho por cuminsa rasca, hunto cu otro sintomanan manera :

  • Sacamento y diarea
  • Cuero ta pela di manera no normal
  • Infeccionnan cronico di oido of pia

Si ta kere cu bo cacho por tene alergia na e alimentonan, bo veterinario por yuda bo poniendo bo cacho riba un dieta di prueba limita pa determina ki alimento ta causando e sintomanan, Jennifer Schissler, DVM, profesora di dermatologia veterinario den e Universidad Estatal di Colorado a bisa.

4. Infeccionnan cutaneas

E infeccionnan bacteriano y e infeccionnan traves di hongo den e cuero di bo cacho tambe por causa picason, ta bisa Melanie Hnot, VMD, dermatologo veterinario en VCA Hollywood Animal Hospital.

Aunke cualkier cacho por contrae un infeccion den e cuero, bo cacho ta core un mayor riesgo di tin alergianan of un enfermedad cu por causa desekilibro hormonal, Hnot ta bisa.

E enfermedadnan hormonal mas comun cu por causa problemanan den e cuero di e cachonan ta e enfermedad di Cushing y hipotiroidismo. “Ambos ta haci cu e cuero ta mas susceptibel na e infeccionnan bacteriano y a traves di hongo cu por provoca picason”, Schissler ta bisa.

Pa diagnostica un enfermedad endocrina, mester bishita bo veterinario pa e haci’e un analisis di sanger na bo cacho. “Un biaha bo veterinario a diagnostica un di e enfermedadnan aki, ta existi medicamentonan pa yuda trata bo cacho”, Hnot ta bisa.

5.Sarna

Sarna ta un tipo di enfermedad den e cuero cu por causa picason severo den bo cacho. Segun Schissler, tin dos tipo di sarna principal :

1. Sarna sarcoptica ta e tipo di sarna cu ta duna mas picason den e cachonan y por keda transmiti na otro cacho.

2. Sarna demodectica tambe por causa picason, pero e no ta contagioso Demodex ta e “crecemento excesivo di un acaro cu normalmente ta presente den e foliculonan piloso di e cachonan den cantidadnan baho” Schissler a bisa.

Si bo cacho tin sarna, por desaroya costranan den e horea, codo y e parti posterior di e musculonan, pero tambe por pica den otro reanan, Hnot ta bisa.

Si ta kere cu bo cacho tin sarna, consulta na bo veterinario pa e realisa un respaldo di e cuero y yuda busca esakinan, Hnot ta bisa.

Pa hiba manera informacion privilegia

Tur e cachonan ta rasca un tiki, pero rasca demasiado por ta un señal cu algo no ta bon. E enfernedadnan di e cuero, e alergianan y e pulganan por haci cu bo cacho ta sinti picason. Si no ta sigur di kico ta causando bo cacho pa rasca asina, e ta importante pa somete na un examen medico.

“Programa un cita cu e veterinario di su mascota pa e yuda bo descubri kico ta causando e picason pa bo mascota bolbe sinti bon.