Te berde ta un tipo di te cu ta wordo elabora al vapor, hasa y seca e blachinan di e mata Camellia sinensis. E ta un di e bebidanan mas consumi riba tur e mundo y a wordo utilisa durante miles di aña. De hecho, e ta kere tambe cu e te tin hopi beneficionan pa salud di esunnan cu ta bebe cu regularidad. Ki nan no ta duna bo 5 beneficionan di te berde y con pa incorpor’e na bo dieta.

Te berde por mehora bo salud di cerebro

Un di e ingredientenan principal di e te berde ta e cafeina. E cafeina por blokia un mensahero kimico na e cerebro yama adenosina, cu ta controla ora di sinti cansa of lanta. Blokia e adenosina por preveni e cansancio, rason por cual tanto persona ta consumi cafeina pa mantene nan mes lanta y mentalmente alerta.

Un sobreproduccion di adenosina na e cerebro tambe ta relaciona cu afeccionnan cognitivo manera alzheimer y e Parkinson. E investigacion ta mustra cu e consumo regular di cafeina por reduci e riesgo di desaroyo na e afeccionnan aki.

E cantidad di cafeina den e te berde ta hopi mas abou cu un koffie, por loke por obtene algun di e beneficionan di cafeina sin e efectonan secundario desagradabel, manera e nerviosismo.

Te berde tambe ta contene un aminoacido yama L-teanina, cu a wordo descubri cu ta yuda reduci stress y mehora bo estado di animo. E investigacion ta mustra cu e combinacion di cafeina y L-teanina ta mehora e funcion celebral na fortalece e memoria di trabou y atencion y reduci e ansiedad.

E te berde ta manetene bo curason sano

A wordo descubri cu te berde ta desempeña un papel den e salud di curason na reduci e factornan di riesgo cu ta causa enfermedadnan cardiaco.

E presion arterial ta un di e factornan di riesgo mas comun di enfermedadnan cardiaco. E investigacion ta mustra cu consumi te berde ta reduci significativamente e presion arterial sistolico y diastolico, cu ta dos number diferente cu loke presion arterial ta wordo registra di un persona.

Un gran estudio di 2006 tambe a mustra cu e personanan cu tabata consumi 6 of mas glas di te berde pa dia, den comparacion cu e esunnan c tabata consumi solamente un biaha pa siman. Tabata tin 33% menos di probabilidad di desaroya diabetes tipo 2.

“Te berde por aborda mutiple factornan clasico di riesgonan cardiaco, manera e lipido, presion arterial y e diabetes”, Melinda Ring ta bisa, MD, directora ehecutiva di Centro Osher dI Medicina Integrativa di e Universidad Northwestern.

Te berde ta yuda reduci e colesterol

E catequina ta un componente importante di e te berde. E cataquina ta antioxidantenan naturalnan cu tin efectonan antioxidante, antiinflamatorio y antihipertensivos. Nan ta disminui e nivelnan di colesterol na disminui e absorcion di colesterol den e curpa.

Un analisis di 2011 di 14 estudionan a mustra cu bebe un promedio di 2 glas di te berde pa dia durante 10 aña a resulta den reduccionnan significativo den e nivelnan di colesterol LDL. E colesterol LDL tambe ta conoci manera e colesterol malo, pasobra e por provoca e acumulacion di placa den e arterianan, loke ta aumenta e riesgo di sufri un atake di curason of un derame celebral.

“algun investigacionnan clinico ta mustra cu bebe te berde of uza extractonan di te berde por reduci e colesterol total, e colesterol LDL y aumenta e nivelnan di colesterol HDL ( colesterol bon ). E mecanismo pa esaki no ta bon defini, aunke un teoria ta cu e galato di epigalocatequina (ECGC), un compuesto di te berde, ta afecta e circulacion di e acido biyares loke ta yuda regula e colesterol” Ring ta bisa.

Te berde ta beneficioso pa e salud den wesonan

Te berde tambe ta yuda maneten’e e wesonan sano y fuerte. E investigacionnan ta mustra cu e por yuda trata y preveni e osteoporosis, un afeccion cu ta debilita e wesonan y ta haci nan mas fuerte den momentonan di fracturanan.

“E blachi di e te ta contene flour, cu lo por retrasa e osteoporosis, asina manera compuestonan beneficioso manera flavonoide y fitoestrogeno”, Ring ta bisa. e flavonoide y fitoestrogeno ta substancianan kimico vegetal cu por fortalece e formacion di e wesonan y preveni e degradacion di e tehido di e weso.

Un estudio di 2017, 171, hende muhe posmenopausico cu wesonan debilita y bou masa di wesonan a wordo dividi den 4 grupo. E resultadonan di e estudio a mustra cu e grupo di hende muhenan cu a ricibi compuestonan di e te berde a experimenta un miho salud den wesonan notabel.

Te berde ta bon pa cuero

Bebe te berde of uz’e topicamente, tin hopi beneficionan pa e cuero

E te berde ta contene micronutrientenan yama galato di epigalocatequina (EGCG) cu por ta responsabel di e propiedadnan reparado di e cuero di e te berde. Algun di e investigacionnan ta mustra cu EGCG ta contene antioxidantenan, cu ta yuda preveni e daño solar. Tambe e ta aumenta e hidratacion den e cuero, e retencion di humedad y ta preveni e formacionnan di aruganan.

Tambe a ser demostra cu e te berde tin propiedadnan anti-envehecimento. Un estudio chikito di 2005 a studia e efectonan di e uzo di suplementonan oral y e aplicacion topico di te berde riba bo cuero enveheci durante 8 siman. E investigadonan a haya cu e combinacion di e uzo di te berde por via topico y oral den e participantenan a provoca un miho elasticidad den e cuero.

Pa hiba manera informacion privilegia

Te berde ta bin den diferente formanan, pero pa disfruta e beneficionan optimo di te berde ta miho si e wordo beb’i su so. Algun di e investigacionnan ta sugeri agrega lechi por contrae algun di e beneficionan pa e salud di e te.

E ta importante tin na cuenta cu e te berde ta contene cafeina, por loke si bo tin sensibilidad na cafeina, e ta posibel cu bolo desea di consumi esaki den cantidadnan mas chikito.