( Msn.com\Insider.com ) – Ta keda recomenda encariciadamente cu un persona mester bebe al menos 8 pa 10 copi di awa pa dia pa mantene su mes saludabel y den forma. No solamente no ta repone e curpa pero ta mantene e persona hidrata, sino cu tambe ta yuda cu perdemento di peso y na varios beneficionan cu ta esencial pa e curpa humano.
Awa por ta un necesidad pa e ser humanonan pero hopi di nos ta tuma bentaha di esaki y nos ta bebe menos awa diariamente lo ke ta daña nos propio salud y bienestar .ta di sa cu e awa ta e ingrediente secreto mas beneficioso pa sostene nos funcion di e curpa.
Ki nan Gauri Anand un dietista ta trece 5 beneficio di bebe awa
E ta duna bo un impulso di energia
Un menor ingesto di awa por provoca un reduccion di e motivacion y un aumenta di fatiga. Si bo curpa no ta lo suficientemente hidrata, lo sufri na realisa cualkier tipo di actividad fisico cu ta rekeri resistencia y forsa. Awa ta esencial pa proporciona energia suficiente pa realisa bo tareanan y actividadnan diario. Tambe ta regula e temperatura y ta mantene fresco al igual cu bou control.
Ta preveni mal digestion y e dolor di cabes
E deshidratacion ta un di e motibonan principal di e aumento di dolor di cabes y e mal digestion. Bo curpa mester e likido y e likido pa evita pa realisa funcionnan principal, manera funcionnan celebral y produci suficiente likido den e stoma pa un digestion adecua. Bebe hopi awa por yuda alivia e dolor di cabes y mal digestion.
Ta promove perdida di peso
Ta keda bisa cu awa ta aumenta e tasa metabolico. Esaki ta nifica cu bo curpa ta activo y un aumento den bo metabolismo ta nifica cu e ta kimando mas calorianan diariamente. Awa tambe ta mantene bo mes yen durante mas tempo frenando e antohonan entre cumindanan manera snacks.
E ta duna bo un cuero mas luminoso y cla
E ta un hecho conoci cu awa ta yuda haci bo cuero di cara mas limpi y di un cutis mas briyante ya cu e ta elimina toxina den bo curpa. Un aumento den e ingesto di awa lo duna bo cuero un radiacion impagabel y hidratacion reduciendo e lineanan fini y e aruganan di bo cara. Tambe ta yuda deshaci di e hinchason mainta trempan.
Ta yuda crea mas saliva
Como awa ta conduci na hidratacion e ta importante pa crea saliva. Saliva ta importante pa e boca, ya cu e boca seco por provoca enfermedadnan manera sproetjes den e boca, mal digestion incluso diabetes.
