Miles di migrante a acumula riba fronteranan di Grecia cu Turkia, y forsanan di siguridad a haya dificultad pa contene nan. Cinco aña despues, ta sinti como un deja-vu, y toch Union Europeo ta parce mesun mal prepara cu biaha pasa.

Na 2015, centenares di miles di persona a move riba frontera terestre y marino Griego, mayoria huyendo di guera na Siria of Irak, den buskeda di siguridad den un Europa prospero. Pero e biaha aki, segun e Europeonan, nan ta victima di chantahe di un Turkia cu a invadi nort Siria y pa motibo cu un cantidad di casualidad den campo di bataya a cuminsa transporta miles di persona desespera, tiki di nan Sirio, den direccion di UE.

“E decenas di miles di persona cu a purba drenta Grecia den ultimo dianan no a bin di Idlib. Nan tabata bibando sigur na Turkia”, segun prome minister Griego, Kyriakos Mitsotakis. “Europa no lo acepta chantahe di Turkia tocante asunto di refugiado.”

Abuso di siguridad Griego of su suspension di aplicacion di asilo – ilegal bou ley internacional y Europeo, segun agencia di refugiado di ONU – ta parce di a ser hala un banda pa awo. Esaki ta ‘circunstancia excepcional’, segun minister y comisionadonan ta bisa. Mientras ta reconoce cu tanto Turkia como Grecia mester yuda pa maneha e retonan di migrante, Organisacion Internacional pa Migracion (IOM) a bisa cu mester cumpli cu obligacionnan legal internacional, en particular cu respecto na esunnan cu por tin mester di proteccion internacional.

Nan ta bisa cu e reforma mester ta amplio na luga di pida pida, y mester involucra paisnan cu migrantenan ta bandona of transita na caminda pa Europa, como tambe ‘fronteranan robusto y solidaridad efectivo y nificativo’ entre nacionnan di UE. Mayoria di hende cu no ta cualifica pa kende mester bay cas.

Pero ta dificil pa bin cu un politica efectivo den tempo di crisis, na momento cu interesnan nacional ta haci compromiso dificil, y a retrasa e revelacion di e pacto, segun oficialnan familiar cu e asunto.

Turkia kier mas placa pa refugiado, mas di e 6 biyon euro cu UE a acorda pa provee, pero tambe kier pa Europa yuda establece un area sigur den nort Siria unda hende por haya refugio, y unda por manda Sirionan na Turkia bek.