Segun Hospital a indica den resumen di Departamento di Salubridad Publico DVG tocante e desaroyonan di pandemia di Covid-19, ayera tabatin 43 persona hospitalisa cu coronavirus.
Hospital Dr. Horacio Oduber a informa cu tin un total di 43 persona interna, di cual 13 ta den Cuido Intensivo y 30 riba unidad general di covid.
Ademas, DVG a informa cu ayera 28 persona a recupera, mientras cu a registra un total di 69 caso nobo di Covid-19, di cual 6 no ta residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 1072 test. ‘Postivity rate’ entre nos residentenan ta 28%.
Casonan activo pa ayera tabata 659, cantidad di fayecido relaciona cu Covid-19 ta 82.
