4 suplementonan natural cu por yuda pa perdida di peso

Pa perde peso di manera eficaz, lo mas importante ta pa tene un dieta saludabel y haci ehercicio cu regularidad, pero pa algun personanan, e suplementonan natural pa baha di peso tambe por yuda cu e cambionan den su estilo di bida.

“E suplementonan natural pa baha di peso por yuda perde peso di e 3 maneranan : aumentando e cantidad calorianan cu ta kima, reduciendo bo apetito y reduciendo su capacidad pa absorbe e calorianan di e alimentonan” ta bisa Dimitar Marinov, MD, PhD, profesor assistent cu experiencia den nutricion den e Universidad Medico di Varna, Bulgaria.

1.Cafeina

Probablemente ya bo ta familiarisa cu e cafeina di bo copi di koffie tur mainta. Pero e cafeina por wordo controla den e simia di cola, e te y algun otro yerba nan. E ta un ingrediente comun pa hopi suplementonan pa baha di peso pasobra e ta un stimulante cu por desencadena e descomposicion di vetnan y yuda bo kima mas calorianan.

Den un revision di 2018, e investigadonan a haya cu duplica e ingesto do cafeina a resulta den un mayor perdida di peso. Ademas, un estudio chikito di 2005 a haya cu e mayor reduccion den e peso, ta den e masanan di vet y e tamaño di cintura den e consumidonan halto den cafeina, den comparacion cu e grupo do placebo.

Pa e mayoria di e adultonan, generalmente ta recomenda di 400 te cu 500 milligram di cafeina como un cantidad sigur pa e consumo diario di cafeina, pero e ta core riesgo di tene temblornan y nerviosismo. E consumi excesivo di cafeina por haci cu bo ta desaroya tolerancia, loke por reduci bo efectividad. Den dosis hopi halto, e cafeina tambe por provoca gana di saca y vomitonan.

2.Koffie berde

E simia di koffie berde ta wordo utilisa den hopi suplementonan dietetico pasobra algun pruebanan a mustra cu e por yuda reduci e vetnan y converti e sucu den e sanger den energia den luga di vet.

Den un revision di 2011 di estudionan sobre e efectividad di e extracto di e grano di koffie berde como suplementonan pa baha di peso, e investigadonan a haya cu e granonan di koffie berde por promove e perdida di peso. Sin embargo, mester di haci mas investigacion pa determina su efectonan completo.

E instituto di nacional di salud a afirma cu e grano di koffie berde ta sigur ora no ta consumi mas di 200 miligram pa dia durante menos di 12 simannan. Algun personanan por experimenta efectonan secundario menor como dolornan di cabes y desaroya e infeccionnan den e tracto urinario ora ta uza granonan di koffie berde.

3.Te berde

Ademas di ta un bebida popular den full e mundo, e te berde ta un ingrediente comun den hopi suplementonan pa baha di peso. E ta di kere cu e te berde ta yuda bo perde peso na aumenta e cantidad di calorianan cu bo curpa ta kima y ta yuda disminui e absorcion di vetnan y e cantidad di vetnan cu ta produci e curpa.

Den un estudio chikito di 2008 sobre e eficiencia di e te berde pa e perdida di peso den e personanan obeso, e investigadonan a dividi e participantenan den dos grupo. E prome grupo a ricibi te berde y e segundo un placebo durante un periodo di 12 simannan. Al final di e estudio, e investigadonan a haya cu tabata tin un diferencia di 3,3 kg den e perdida di peso entre e participantenan di e grupo cu a bebe e te y e grupo di e placebo. Nan a conclui cu e te berde por yuda bo baha di peso.

Si bo ta bay utilisa e te berde como suplemento pa baha peso, tene na cuenta cu e pildonan cu ta contene extracto di te berde por no ta sigur. Bebe te berde natural ta un miho alternativa.

4.Mango Africano

E ta kere cu e mango Africano ta yuda perde peso na evita e formacion di tehidonan di vet. Si ta bon e ta sigur pa uza e mango Africano, algun personanan a informa cu nan ta experimenta efectonan secundario menor como flatulencia, dolornan di cabes y problemanan pa drumi.

E mango Africano tambe por ta un di e suplementonan di perdida di peso mas riesgoso . “Tin poco evidencia publica y un falta di pautanan di dosificacion basa den estudionan cientifico. Tambe tin hopi poco splicacionnan pa su interaccionnan cu medicamentonan y efectonan secundario” ta bisa Jagdish Khubchandan, PhD, profesor den e departamento d ciencianan di nutricion y salud den e Universidad Estatal di New Mexico.

Sin embargo, e administracion cu corto plaso den algun estudionan experimental a demostra cu e mango Africano por yuda cu e perdida di peso y control’e. Den un estudio di 2000 sobre si un extracto di simia di mango africano por yuda perde peso den personanan cu sobrepeso, e investigadonan a dividi e grupo di 102 participantenan den dos. Na un grupo a wordo duna e extracto di e simia tur dia durante 10 siman y e otro grupo a wordo duna e placebo.

Na final e estudio, e investigadonan a haya cu tabata tin un reduccion significativo den e peso corporal, e vetnan y e circunferencia di e cintura den e personanan cu a ricibi e extracto den comparacion cu e grupo di e placebo.

Pa hiba manera informacion privilegia

Aunke e investigacion a haya algun efectonan prometedor, hopi di suplementonan aki natural oa baha di peso ainda no a prueba y ta hiba un riesgo di efectonan secundario. Ademas, e no lo yuda bo perde peso por si mismo.

“E suplementonan natural pa baha di peso solo ta eficaz ora ta controla e dieta y bo ingesto di calorianan. Por haci cu e lo mas facil mantene un deficit calorico, come menos y perde peso, pero e unico forma di garantisa e exito den e perdida di peso ta haci un siguimento di bo ingesto” Marinov ta bisa.