4 persona a wordo mata y otro 4 herida na un fiesta di Halloween cu a tuma luga anochi den un cas grandi na San Francisco Bay Area su comunidad.
E tiramento na Orina, un ciudad di 20.000 persona, a tuma luga na e fiesta cu 100 persona a atende, segun hefe policial David Cook a bisa East Bay Times. El a bisa cu oficial a responde pa yamada banda 10:45 pm.
Michael Wang, kende ta doño di e cas, a bisa cu e la huur e cas na un hende muhe via Airbnb, unda cu e persona a bisa cu e lo ta un reunion familiar pa un dozijn di persona. Wang a bisa cu su casa a purba comunica cu e hende muhe ora cu bisiña a cuminsa yama pa keho di zonido halto.
E muhe a bisa cu solamente 12 persona tabata na e fiesta, pero Wang a wak den camara di video di porta cu mas hende a drenta. Compania Airbnb ta investigando kico a pasa.
Polis no a duna informacion di e victima of kico a causa e violencia den cas na e bisindario di casnan multimiyonario. Residente di e bisindario tabata frustra cu e buya di e fiesta prome cu e tiramento.
“Nos tabata preocupa originalmente pa e keho di zonido. Despues nos a tende tiramento y nos a wak tende hende grita y purba huy for di e cas. Mi ta kere tur hende den area a lock nan cas y a cuminsa manda mensahe pa otro pa asina wak kico lo ta pasando. E cosnan aki no ta pasa na Orinda”, Chris Gade, un habitante di e bario, a bisa reportero.
