Bomberonan di Honduras a haya cuatro hoben, kendenan a wordo secuestra riba dia 31 di januari di 2016, pa homber cu tabata arma na noord di Honduras, morto.
E curpa di hobennan a wordo localisa diadomingo anochi na rand di riu Ulua, esaki ta e riu cu tin mas awa na Honduras, cerca di ciudad El Progreso, na departamento di Yoro.
Te na momento aki autoridad no a informa nada ainda, tocante detaye di suceso y di circunstancia cu a causa morto di e muchanan ey. Prensa di Honduras a splica cu tur e curpanan tabata den saco di plastic y nan tabatin ambos man mara.
E victimanan a wordo identifica como Edgardo Antonio Salinas, di 18 aña; Scars Alberto López, di 15, Cristian David Orellana y Alex Armando Vallejo di 19 aña, Cuerpo di bombero a informa. E grupo di hoben a wordo secuestra pa hombernan desconoci arma, dia 31 di januari, ora nan tabata na un celebracion den un cas na pueblo di Las Minas, 15 kilometer di luga, caminda curpanan a wordo localisa diasabra cu a pasa, autoridad di Honduras a bisa.
Violencia na Honduras a laga cerca di diesun hende asesina, di januari te awo.
