( Msn.com/Insider.com ) – Manuka honing ta e tipo di honing cu ta keda haya exclusivamente na New Zealand. Debi na e bentananan pa e bijnan por pollinate e mata di manuka ta menos di 6 siman pa aña, e ta mas caro cu otro tiponan di honing, hasta 99 dollar pa gram. Tambe ta conta mas beneficionan medicinal cu otro formanan di honing.
Kico ta manuka honing?
Manuka honing ta keda diferencia di e honing normal pasobra ta contene e ingrediente activo metilglioxal, cu potencialmente ta duna propiedadnan antibacteriano, antiviral, antiinflamatorio y antioxidantenan. Por keda cumpra den e mayoria di e tiendanan di salud e incluso den algun supermercado.
E honing autentico di manuka ta ricibi un grado di factor di manuka unic, of UMF. E sistema di clasificacion tabata desaroya door di Unique Manuka Factor Honey Association na New Zealand y ta keda utilisa pa confirma e autenticidad y calidad di e honing. E calificacionnan ta bay di 5+ na 25+, determina pa e cantidad di metilglioxal y leptosperina, un sustancia kimico estable cu ta keda uza pa identifica e manuka, tin den e honing.
E concentracion y e dosis di honing di manuka cu ta desea ta depende di bo obhetivonan. Segun Amy Shapiro, RD, CDN, fundadora di Real Nutrition, e forsa y la dosis cu bo ta eligi ta deferi segun loke bo kier trata.
5+ na 9+ ta pa e bienestar general
10+ 15+ pa proposito terapeutico
15+ para higiena dental
En cuanto mas mayor e grado ta , mas caro e por ta.
Conseho general : consumi un of dos cuchara di manuka honing pa dia ta e dosis standard, Shapiro ta bisa.
Manuka ta honing tin hopi mas supuesto beneficionan pa salud, pero no tur ta respalda pa investigacionnan cientifico. Esaki ta algun di e beneficionan cu cierto respaldo cientifico :
1. E por trata afeccionnan di cuero
Manuka honing ta keda uza den productonan ampliamente den productonan pa e cuidado di cuero danki na su propiedadnan antibacteriano y antiinflamatorio, Serena Poon ta bisa, nutricionista certifica cu su propio practica. E pomada pegahoso por inhibi e crecemento bacteriano cu por causa of empeora acne y alivia rash of e sekedad cu ta acompaña e afeccionnan inflamatorio di e cuero.
Segun Shapiro y Poon, e afeccionnan di e cuero cu loke manuka honing por yuda ta inclui :
Acne
Cuero seco
Eczema
Soriasis
Aplica un cantidad di e temaño di un florin, di manuka honing riba bo cuero y lag’e keda durante 15 te cu 20 minuut prome di kit’e cu awa low, Poon ta bisa. Retira inmediatamente si ta cuminsa pica of causa picason.
Cualkier grado lo funciona pa e afeccionnan di e cuero, pero en cuanto mas mayor e grado ta, mas efectivo e lo ta.
2.E por cura heridanan
Manuka honing no solamente por yuda alivia e afeccionnan di cuero, si no cu tambe cu e por yuda cura heridanan danki na su propiedadnan antibacteriano. Sin embargo, no mester aplica e honing di manuka riba heridanan sin consulta prome na un profesional medico.
Importante : manuka honing cu ta keda uza pa trata topicamente ulcera, kemadura y heridanan, e ta un producto di grado medico, un UMF di 15+, cu impuresanan elimina, ta bisa Annamaria Louloudis MS, RDN, fundadora di Louloudi Nutrition.
E mayor parti di e actividad antinacteriano di e honing ta debe na e peroxido di hidrogeno, cu ta menos eficaz un biaha cu ta keda mescla cu sanger of suero den e herida. Sin embargo, e honing di manuka, e propiedadnan antibacteriano ta proveni di e metilglioxal. E metilglioxal no ta bira menos efectivo ora ta dentra den contacto cu e fluidonan corporal, loke ta nifica cu e honing di manuka ta proveni e crecemento bacteriano durante periodonan mas largo sin necesidad di aplik’e back.
3. Ta alivia dolornan di garganta
E honing di tur tipo, ta un remedi natural conoci pa alivia e dolornan di garganta y tos.
“E honing ta forma un pelicula relahante sobre e garganta, reduciendo e iritacion”, ta bisa BB Arrington, nutricionista certifica, cu su propio practica.
E manuka honing, en particular, te reduci e inflamacion causa door di tos y por acelera e curacion di cualkier rasca den e garganta, Arrington ta bisa.
Tin algun formanan unda bo por consumi e manuka honing pa yuda cu dolor di garganta, cu ta inclui :
Un cuchara simpel
Den awa cayente
Mescle den te
4.Ta mehora bo salud bocal
Si ta bon e por parce contradictorio cu algo asina sucu manera e honing por mehora bo salud, e actividad antimicrobiana di manuka ta inhibi e formacion di placa, ta bisa Arrington. Esaki ta specialmente cierto ora ta aplica den e area unda e carni di e djente ta uni.
Loke e investigacion ta bisa : Den un estudio di 2018,e muchanan di india di 12 pa 15 aña a uza 10 milliliter di honing di manuka manera un enhague bocal dos biaha pa dia durante 21 dia. Na e 22 y 28 dia, e investigadonan a haya cu tabata tin un reduccion den e placa y e puntuacionnan gingival.
Beneficionan no comproba di manuka honing
No tur e beneficionan promociona di manuka honing tin evidencia cientifico tras di nan. Akinan tin algun beneficionan no comproba di e manuka honing :
Prevencion of tratamento di cancer
Por trata sintomanan di diabetes
Mehorando e problemanan gastrointestinal
Ta limita e efectonan secundario di e radiacion
Efectonan secundario di manuka honing
Manuka honing ta generalmente sigur di uza of consumi, pero algun persona por tene un reaccion adverso, manera un reaccion alergico of un nivel halto di sucu den e sanger.
Segun Shapiro, e personanan cu mester evita e manuka honing ta inclui esunnan cu :
Alergia na bij of honing
Nivelnan eleva di sucu den e sanger
Diabetes
Importante : e manuka honing por contene un forma di bacteria cu por bira toxico si ta ingeri den babynan, Shapiro ta bisa. Como resultado di e condicion aki, conoci manera botulismo, muchanan di un aña of menos no por consumi honing di niun tipo, manuka of otro tipo.
Pa hiba manera informacion privilegia
Manuka honing ta un forma di honing mas caro y codiciado cu solamente ta keda cultiva den New Zealand. Su beneficionan por inclui alivia dolor di garganta, cura e heridanan y trata afeccionnan di e cuero, manera eccema. Prome di purba manuka honing, papia cu un profesional medico pa mira cua ta adecua pa bo persona.
