Departamento di Salubridad Publico a anuncia cu tin un 64 melding desde december te cu aworaki cu a drenta pa loke ta caso sospechoso di Zika di cual 30 di e personanan aki ta personanan cu a biaha recientemente. Mientrastanto 22 sample a bay afo pa test y ta spera di ricibi nan pa mayan pa mira si tin mas caso confirma na Zika. Banda di esaki te cu aworaki tin 4 caso cu a wordo confirma cu ta importa, Segun Maribel Tromp di Despa cu ta splica cu e informacion aki lo bay riba lista di WHO awo tambe. Ainda no tin ningun caso local di Zika na Aruba, pues ta trata hendenan cu a biaha pa paisnan Venezuela, Colombia y Brazil. E personanan aki y tur otro caso sospechoso di Zika ta pasa dibiaha den e protocol cu salubridad tin aworaki cu ta encera e spuitmento di e cas y bario. GKMB a duna di conoce cu e index di sangura adulto ta mas abou, cual kiermen cu transmision di virus ta tambe ta bay mas pocopoco. Esey claro no kiermen cu no mester haci na prevencion, sino meter keda preveni posibel criadero di sangura.
.jpg "Nadien Phillip: Come local y segun temporada ta duna mas balor nutritivo na consumido")
