E matanan di menta a ser utilisa den medicina tradicional durante siglonan, remontando al menos den antiguo Egipto, Grecia y Roma, ora e tabata wordo uza pa calma malestarnan di stoma.
Awendia, e comunidad medico ta recomenda e azeta esencial di menta, un forma altamente concentra cu ta wordo obteni door di destila e vapor di e blachinan, pa trata un gran cantidad di dolencianan cotidiano.
1.E azeta di menta por yuda alivia e dolornan di cabes y e migraine
E investigacionnan a descubri cu e aplicacion di azeta di menta riba e frenta of banda di bo cabes por ta util pa trata e dolornan di cabes y e migraine.
Un revision di 2016 a haya cu e azeta di menta ta wordo recomenda pa e tratamento di e dolornan di cabes di e tipo tensional den adultonan y muchanan mayor di 6 aña di edad. E autornan di e revision a sugeri cu incluso e por ta asina eficaz como e acetaminofen, paracetamol, Tylenol, un medicamento comun den benta liber pa alivia e dolor.
“Pa mi patentnan cu dolornan di cabes, generalmente mi ta recomenda trata e dolor inicialmente cu tratamentonan topico como e azeta di menta of cu un aliviado di dolor manera Tiger Balm, cual ta contene mentol, un sustancia refrescante deriva di e menta” Ta bisa Lisa Ravindra, MD, profesora asistente di medicina y medico di medicina interno certifica door di e hunta den Rush University Medical Center na Chicago
Si bo no ta haya alivio despues di 15 te cu 30 minuut di e azeta di menta, Ravindra ta conseha cu e patentnan cu ta uza analgesiconan oral mas tradicional manera advil, Aleve, Tynol, Excedrin of cualkier medicamento receta pa e dolor di cabes cu por tin.
2.E azeta di menta por reduci e gananan di saca
A ser demostra cu simplemente inhala e aroma di e azeta di menta of aplica un par di gotanan di e azeta di menta den un paña muha y fresco, aplica esaki riba bo frenta, ta alivia e gananan di saca, den hende muhenan na estado, patentnan cu ta ricibi kimoterapia y patentnan cu ta recupera di un cirugia.
Den un estudio di 2020, e patentnan hospitalisa por a opta pa trata su gananan di saca cu azeta di menta of solo e azeta y un medicamento receta contra e gananan di saca. Ambos gruponan a experimenta alivio di e gananan di saca, pero esunnan cu a eligi e azeta di menta solamente tabata tin un mehoracion significativamente mayor. Sin embargo, e calidad di e estudio ta algo deficiente.
“Extrapolo e datonan aki pa respalda e uzo di e azeta di menta inhala manera un opcion pa trata mi patentnan di atencion primaria cu por tin gananan di saca debi na su migraine, virus stomacal, intoxicacion alimentario y otro afeccionnan” Ravindra ta bisa.
3.E azeta di menta por wordo utilisa manera tratamento pa SII
E sindroma di e intestino iritabel ( SII ) ta un enfermedad compleha cu multiple factornan cu ta contribui den su sintomanan, por loke e miho tratamento ta varia di un patent pa e otro.
Pero ademas di e cambionan den e dieta y e estilo di bida, e mediconan diariamente ta recomenda capsulanan di azeta di menta prome di pasa pa e medicamentonan, receta, segun Robert Shulman, MD, gastroenterologo pediatrico certifica door di e hunta y profesor di nutricion pediatrico den Baylor College of Medicine.
Shulman no ta recomenda ningun marca di capsula di azeta di menta sobre otro, pero si sigura bo mes di obtene un cu un recubrimento enterico, di lo contrario, bo lo por experimenta acides stomacal. E recubrimento special ta permiti cu e azeta di menta ta evita principalmente e stoma y despues pa e libera den e intestinonan, unda e mediconan ta kere cu tin e miho efecto.
Conseho general : e personanan cu SII mester tuma capsulanan di azeta di menta dos biaha pa dia tur dia, pa obtene e efectonan completo” “E problema cu mi ta ripara ta cu e hendenan no ta tuma esaki tur dia. Nan ta tume solamente ora nan ta sinti nan mes malo y pa e momento ey, ya ta demasiado laat” ta bisa Gerard Mullin, MD, gastroenterologo certifica door di hunta den Johns Hopkins Medicine
4.E azeta di menta por calma e picason
Tin menos estudionan solido cu ta examina e efectividad di e azeta di menta pa trata e picason door di picaduranan di insectonan, erupcionnan door di matanan venenoso of cicatriznan curativo.
Pero Ravindra ta bisa cu e ta un bon alternativa na e cremanan topico di hidrocortisona di benta liber, cu no mester wordo uza durante mas di dos siman debi na su posibel efectonan secundario manera bira adelgasamento di e cuero, decolorisacion y puishi.
E azeta di menta por yuda alivia e picason debi na su efectonan refrescante pa e cuero y na distrae e nervionan banda di e luga cu ta pica. E azeta di menra no mester wordo aplica na e cuero cu tin un herida, Ravindra ta bisa, pasobra e por kima of laga e herida bira aun mas grave.
Ki tipo di azeta di menta pa cumpra
Ravindra ta recomenda eligi un azeta esencial di menta organico, ya cu e ta wordo produci di e matanan cu no ta trata cu pesticides,insecticida of fertilisantenan sintetico.
Importante : Ravindra ta bisa cu e azeta di menta no mester wordo uza den babynan of banda di nan ya cu e por causa problemanan respiratorio.
E azeta di menta tin un riesgo hopi abou di toxicidad ora ta aplica topicamente of ta wordo tuma den via oral y a ser utilisa cu siguridad den estudionan numeroso clinico. Ainda ta existi un riesgo hopi chikito di un reaccion alergico, por loke si ta experimenta picason, of cuero ta bira cora, cayo unda e la wordo aplica, mester stop di uza esaki.
Conclusionnan di e expertonan
E azeta di menta ta un opcion di benta liber riesgo abou pa e dolornan di cabes, e gananan di saca, e dolor stomacal asocia cu e sindroma di intestino iritabel y e picason diario. Aun asina, semper e ta un bon idea pa discuti cualkier tratamento complementario cu bo medico prome di purba nan.
