(NLTimes) – 20 hende homber y 17 hende muhe di Hulanda a pasa e prome ronda di seleccion pa e European Space Agency (ESA).
Esaki ta mantene e personanan riba e rumbo pa bira astronauta. Casi mil persona a inscribi, nificando cu solamente 3.8 porciento di e cantidad aki a pasa e seleccion.
Lithuania tabata e unico pas cu un porcentahe halto di e candidatonan elimina. Dinamarca tabatin e porcentahe mas halto di cantidatonan cu a pasa e prome ronda di seleccion, cu 14.5 porciento te ainda den e careda.
Den total, 1,361 persona ta den e careda, incluyendo 831 hende homber y 530 hende muhe. ESA a publica e resultadonan pa cada pais e siman aki, cual a demostra cu Francia tin e cantidad di astronauta mas halto den e careda cual ta 404 den total. Esaki ta sigui pa Alemania cu 194, Reuni Uni cu 166 y Italia cu 159. Hungria y Romania ta e unico paisnan unda cu tin mas muhe cu homber den e careda.
ESA tin plan di revela e nomber di e astronautanan nobo den october. E personanan cu caba e careda cu exito lo bay International Space Station (ISS) y posibelmente tambe na un stacion espacial den bisindario di e luna.
