Diasabra despues di 11or di anochi, RCC Curaçao via nan radar a capta un contacto biniendo for di sur y yegando awanan teritorial di Aruba. A manda mesora un metal shark.
A sigui e movecion di e contacto y asina e metal shark a yega na e localisacion y intercepta e boto, den cual a haya un total di 35 persona, kende tabata purba di drenta nos isla di forma ilegal. Di e 35 detenido, 34 ta hende homber y 1 ta hende muhe.
Kustwacht mesora a bay over na detencion di e personanan aki y a trece nan na waf di Oranjestad, unda polis di Aruba a tuma nan over. Pa motibo cu ta trata di mas di 20 persona kende a keda deteni, departamento di calamidad, brandweer y otro departamento di gobierno a haya nan mes involucra den e situacion, y mester a notifica prome minister, Evelyn Wever-Croes, tocante e siguiente pasonan cu lo tuma
Na final tur detenido a keda transporta pa GNC.
