Tin masha hopi keho di con departamento di emergencia ta funciona, pues Sr. Cilie a haya cu ta bon pa comunidad sa con esaki ta funciona. Antes tabata conoce un EHBO na hospital tiki mas chikito cu 3 pa 4 kamber, anto ta mas cu 10 aña pasa cu a cambia un prome auxilio pa un Spoed Eisende Hulp. Pues for di e tempo ey no ta duna e servicio di EHBO mas, pues tey solamente pa emergencia. Sr. CiIie ta enfatisa riba emergencia medico. Pasobra si bisa simplemente emergencia, mi experiencia ta siña mi cu ken cu drenta eyden, su asunto of su preocupacion ta mas emergente cu di tur otro hende eynan. Ora un hende yega eynan e ta haya cu e mester wordo yuda lihe, sin tene cuenta cu e grado di e caso, el a splica. Local cu ta haya eynan no ta simplemente hende cu ta pone na un EHBO tampoco, sino medico y enfermeronan specialisa riba tereno di emergencia. Esey ta nifica cu e dokter ora cu e caba cu su estudio ainda mester specialisa dos aña, pa e bira un dokter di emergencia. Pa e enfermero, despues di 4 aña, mester tin 1 aña di experiencia y un 1 aña y mey di specialisacion. Aki na Aruba SEH ta conta cu e personanan aki. “Ora cu papia di emergencia mester pensa di un accident grandi, cu trauma, hendenan cu ta drenta eyden cu at core e riesgo di perde nan bida, ataca di curason, strook etc. Eynan, tur hende cu drenta, den 5 minuut e ta wordo mira, gescreen, su emergencia ta wordo duna un code di con lihe e mester wordo yuda. Pues ta depende e code cu ta haya cu ta determina con lihe bo mester wordo yuda. Esey at pone bo pensa, cu unabes un pashent di dokter di cas, bin cerca SEH, su code pa e wordo yuda ta hopi leu.”
