Un parti di un pasarela a cay abou ora cu miles di Moslim Shiita tabata celebra Ashoura diamars, ocasionando un estampida y matando 31 persona riba un di e dianan mas sagrado y religioso di e secta, segun autoridad.
Otro 100 persona a resulta herida pa e incidente cu a pasa na final di procesion di Ashoura. E accident a causa un ola di panico, segun trahado cu a papia cu AP for di Karbala.
Miles di persona a reuni na e ciudad santo na un 80km sur di Bagdad, pa e ocasion. E dia di Ashoura ta conmemora e asesinato di e nieto di e profeta Mohammed, Imam Hussein, pa un faccion musulman rival na Karbala na actual Irak.
Hussein y su descendiente ta bisto pa persona di e pais como legitimo heredero di e profeta. E asesinato di Hussein ta atribui na consolidacion di cismo entre Islam Shitta y Sunni. Den e ultimo añanan, e procesion di Ashoura a wordo ataca pa extremista militante Sunni, pero e conmemoracion di diamars tabata pacifico ora cu e pasarela a collapse.
Mainta trempan, miles di persona e celebra procesion di Ashoura en medio di un siguridad reforsa na Karbala. Na e capital Bagdad, marchando riba caminda, hopi a golpia nan pecho y nan a mara na cadena, cual ta un expresion simbolico di dolor y arepentimento pa no por a yuda Hussein prome cu el a muri.
