Departamento di Salubridad Publico DVG den su resumen diario publica ayera riba e desaroyonan di e pandemia di Covid-19 na Aruba, a informa cu ayera tabatin 30 caso activo di e malesa causa pa e virus SARS-CoV-2.
DVG a informa den su resumen di ayera cu 2 persona a recupera, mientras cu a registra un total di 4 caso nobo di Covid-19, di cual uno no ta residente. Cu esaki, e cantidad di caso activo ayera a keda na 30. Afortunadamente e cantidad di fayecido relaciona cu e malesa no a mira un aumento, sino a keda na 107.
Ademas, DVG a informa cu e cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 359 test. Tasa di positividad (‘positivity rate’) entre nos residentenan ta 8%.
